CNA
കൊച്ചി:
രതീഷ് കൃഷ്ണന്‍, ശരത്ത് അപ്പാനി എന്നിവരെ പ്രധാന കഥാപാത്രങ്ങളാക്കി ഫ്രെയിം മേകേഴ്‌സ് എന്റര്‍ടെയിന്‍മെന്റ്‌സ് നിര്‍മ്മിച്ച് നവാഗതരായ ജിനു ജെയിംസ്, മാത്സണ്‍ ബേബി എന്നിവര്‍ ചേര്‍ന്ന് തിരക്കഥാരചനയും സംവിധാനവും നിര്‍വ്വഹിക്കുന്ന 'സൈബീരിയന്‍ കോളനി' എന്ന ചിത്രത്തിന്റെ പൂജയും ടൈറ്റില്‍ പ്രകാശനവും നടന്നു.
വ്യത്യസ്തമായ ശൈലികൊണ്ടും മികച്ച ഉദ്ദേശശുദ്ധികൊണ്ടും സാധാരണ രീതിയില്‍ നടക്കാറുള്ള സിനിമ ലോഞ്ചിംഗ് പരിപാടികളില്‍ നിന്ന് വേറിട്ട ശ്രദ്ധ ആകര്‍ഷിച്ചുകൊണ്ടാണ് 'സൈബീരിയന്‍ കോളനി'യുടെ പൂജയും ടൈറ്റില്‍ പ്രകാശനവും നടന്നത്.
പതിവ് പൂജ ചടങ്ങുകളുടെ ആഡംബരസ്വഭാവം ഒഴിവാക്കി അനാഥാലയത്തിലെ അന്തേവാസികള്‍ക്ക് ഒപ്പമാണ് സിനിമയുടെ അണിയറപ്രവര്‍ത്തകര്‍ ടൈറ്റില്‍ പ്രകാശനവും പൂജയും നടന്നത്.
എറണാകുളത്ത് കൂനമ്മാവില്‍ സ്ഥിതി ചെയ്യുന്ന ഇവാഞ്ചല്‍ ആശ്രമത്തിലെ അന്തേവാസികള്‍ക്കൊപ്പം ആണ് ചടങ്ങ് നിര്‍വ്വഹിച്ചത്.
അഞ്ജലി റാവു ആണ് ചിത്രത്തിലെ നായിക.
ഛായാഗ്രഹണം- പ്രശാന്ത് മാധവ്, എഡിറ്റിംഗ്- നിഖില്‍ കെ ഹരി, സംഗീതം- ഫോര്‍ മ്യുസിക്കും സുദീപ് സുരേഷും ചേര്‍ന്ന് നിര്‍വഹിക്കുന്നു. കലാസംവിധാനം- ജെയ്‌സണ്‍ ഔസേപ്, അനന്തുരാജന്‍, കഥ- ടോണി തോമസ്, പ്രൊഡക്ഷന് കണ്ട്രോളര്- ഡെന്നി ഡേവിസ്, സൗണ്ട് ഡിസൈനര്‍- രഞ്ചു, ഫിനാന്‍സ് കണ്ട്രോളര്- ജെറിന്‍ ജോണ്‍സണ്‍ കോഴിപാട്ട്, പ്രോജക്ട് കോഓര്‍ഡിനെറ്റര്‍- റൂബി ജൂലിയറ്റ്, മേക്കപ്പ്- കൃഷ്ണകുമാര്‍, ചീഫ് അസോസിയേറ്റ് ഡയറക്ടര്‍- അഖില്‍ കടവൂര്‍, അസോസിയേറ്റ് ഡയറക്ടര്‍- അനന്തകൃഷ്ണന്‍ കെ എസ്, പബ്ലിസിറ്റി ഡിസൈന്‍- ലിക്വിഡ്, സ്റ്റില്‍സ്- മോനിഷ് മോഹന്‍.
Online PR - CinemaNewsAgency.Com
