Editor- MM Kamath
കൊച്ചി:
സംസ്ഥാന പുരസ്ക്കാരമടക്കം നിരവധി അവാര്ഡുകള് നേടിയ 'അച്ഛന്' എന്ന ഹൃസ്വചിത്രത്തിന് ശേഷം നടരാജന് പട്ടാമ്പി രചനയും സംവിധാനവും നിര്വ്വഹിക്കുന്ന 'തണലിടങ്ങള്' എന്ന ചെറു സിനിമയുടെ ക്യാരക്ടര് പോസ്റ്റര് റിലീസായി.
മണിലാല് സംവിധാനം ചെയ്ത 'ഭാരതപുഴ' എന്ന ചിത്രത്തിലൂടെ സംസ്ഥാന ചലച്ചിത്ര പ്രത്യേക ജൂറി പുരസ്ക്കാരം നേടിയ സിജി പ്രദീപും സഹീര് മുഹമ്മദും മുരളിബാബു പ്രധാന വേഷത്തില് എത്തുന്ന ചെറു സിനിമയാണ് 'തണലിടങ്ങള്'.
ഛായാഗ്രഹണം- റഷീദ് അഹമ്മദ്, എഡിറ്റിംഗ്- സച്ചിന് സത്യ, സംഗീതം- അര്ജ്ജുന് വി. അക്ഷയ, ഡി.ഐ.- ടിറ്റൊ ഫ്രാന്സിസ്, അസോസിയേറ്റ് ഡയറക്ടേര്സ് - ഷംനാദ് മട്ടായ, ജയന് കൃഷ്ണന്. ക്യാമറ അസോസിയേറ്റ്സ്- വൈഷ്ണവ് വിജയകുമാര്, വിഷ്ണു വാവന്നൂര്.
RAMM പ്രൊഡക്ഷന്സും, RKP പ്രൊഡക്ഷന്സും ചേര്ന്നാണ് തണലിടങ്ങളുടെ നിര്മ്മാണം.
പബ്ലിസിറ്റി ഡിസൈനന്- സവീഷ് ആലൂര്, ഓണ്ലൈന് പി.ആര്.- സി.എന്.എ.