CNA
കൊച്ചി:
മന്ദാകിനി സിനിമയില്‍ സൂപ്പര്‍ഹിറ്റുകള്‍ ഒരുക്കിയ സംഗീതസംവിധായകന്‍ ബിബിന്‍ അശോക് മെലഡിയുമായി വീണ്ടും. കപില്‍ കപിലനും ശ്രീനന്ദ ശ്രീകുമാറും പാടിയ തണുപ്പ് സിനിമയിലെ പുതിയ പാട്ട് റിലീസ് ചെയ്തു. വിവേക് മുഴക്കുന്ന് എഴുതിയ പ്രണയഗാനത്തിന്റെ ലിറിക്കല്‍ വീഡിയോ ആണ് പുറത്തിറക്കിയത്.
ഛായാഗ്രാഹകനായ രാഗേഷ് നാരായണന്‍ സംവിധാനം ചെയ്യുന്ന 'തണുപ്പി'ലെ അംഗുലങ്ങളെ എന്ന് തുടങ്ങുന്ന ആദ്യ ഗാനം ഏറെ ശ്രദ്ധേയമായിരുന്നു.
പാട്ടുകളുടെ അവകാശം മനോരമ മ്യൂസികിനാണ്. പുതുമുഖങ്ങളായ നിധീഷ്, ജിബിയ എന്നിവരെ പ്രധാന കഥാപാത്രങ്ങളാക്കി കാശി സിനിമാസിന്റെ ബാനറില്‍ അനു അനന്തന്‍, ഡോ. ലക്ഷ്മി എന്നിവര്‍ ചേര്‍ന്നാണ് തണുപ്പ് നിര്‍മ്മിച്ചത്.
കൂട്ടിക്കല്‍ ജയചന്ദ്രന്‍, അരുണ്‍, രഞ്ജിത്ത് മണബ്രക്കാട്ട്, ഷൈനി സാറ, പ്രിനു, ആരൂബാല, സതീഷ് ഗോപി, സാം ജീവന്‍, രതീഷ്, രാധാകൃഷ്ണന്‍ തലച്ചങ്ങാട്, ഷാനു മിത്ര, ജിഷ്ണു ഉണ്ണികൃഷ്ണന്‍, ദിസിമ ദിവാകരന്‍, സുമിത്ത് സമുദ്ര, മനോഹരന്‍ വെള്ളിലോട് തുടങ്ങിയവരും അഭിനയിക്കുന്നു.
മണികണ്ഠന്‍ പി എസ് ഛായാഗ്രഹണം നിര്‍വഹിക്കുന്നു. ബിജിഎം- ബിബിന്‍ അശോക്, ക്രിയേറ്റീവ് ഡയറക്ടര്‍- രാജേഷ് കെ രാമന്‍, എഡിറ്റിംഗ്- സഫ്ദര്‍ മര്‍വ, മേക്കപ്പ്- പ്രദീപ് ഗോപാലകൃഷ്ണന്‍, വസ്ത്രാലങ്കാരം- രതീഷ് കോട്ടുളി, ശബ്ദസംവിധാനം- രതീഷ് വിജയന്‍, കളറിസ്റ്റ്- ലിജു പ്രഭാകര്‍, കലാസംവിധാനം- ശ്രീജിത്ത് കോതമംഗലം, പ്രവീണ്‍ ജാപ്‌സി, ചീഫ് അസോസിയേറ്റ് ഡയറക്ടര്‍- ജംനാസ് മുഹമ്മദ്, അസോസിയേറ്റ് ഡയറക്ടര്‍- യദുകൃഷ്ണ ദയകുമാര്‍, സ്റ്റില്‍സ്- രാകേഷ് നായര്‍, പോസ്റ്റര്‍ ഡിസൈന്‍- സര്‍വ്വകലാശാല, വിഎഫ്എക്‌സ്- സ്റ്റുഡിയോസെവന്‍ത് ഡോര്‍.
കണ്ണൂര്‍, വയനാട്, എറണാകുളം, ചെന്നൈ, കൂര്‍ഗ് എന്നിവിടങ്ങളിലായി ചിത്രീകരണം പൂര്‍ത്തിയാക്കിയ 'തണുപ്പ്' ഉടന്‍ പ്രദര്‍ശനത്തിനെത്തും.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
