സി എന്‍ എ-
കൊച്ചി:
മലബാറിലെ സ്വര്‍ണ ഖനനത്തിന്റെ ചരിത്രം പ്രമേയമാക്കി നിര്‍മല്‍ ബേബി വര്‍ഗീസ് സംവിധാനം ചെയ്ത 'തരിയോട്' എന്ന ഡോക്യൂമെന്ററിക്ക് ക്ലീന്‍ യു സര്‍ട്ടിഫിക്കറ്റ്.
നാല്‍പ്പത് മിനിറ്റാണ് ഡോക്യൂമെന്ററിയുടെ ദൈര്‍ഘ്യം.
ചിത്രം മുമ്പ് യൂറോപ്പിലെ സ്ലോവാക്യയില്‍ നടന്ന കൊഷിറ്റ്‌സെ ഇന്റര്‍നാഷണല്‍ മന്ത്‌ലി ഫിലിം ഫെസ്റ്റിവലിലേക്ക് തെരഞ്ഞടുക്കപ്പെടുകയും ബെസ്റ്റ് ട്രൈലെര്‍ കാറ്റഗറിയില്‍ ഫൈനലിസ്റ്റ് ആവുകയും ചെയ്തിരുന്നു.
സംവിധായകന്‍ തന്നെയാണ് 'തരിയോടിന്റെ എഡിറ്റിംഗും സൗണ്ട് ഡിസൈനിങ്ങും നിര്‍വഹിച്ചിരിക്കുന്നത്. കാസബ്ലാങ്കാ ഫിലിം ഫാക്ടറിയുടെ ബാനറില്‍ ബേബി ചൈതന്യയാണ് 'തരിയോട്' നിര്‍മ്മിക്കുന്നത്.
ഇതേ പശ്ചാത്തലത്തില്‍ മറ്റൊരു ബിഗ് ബജറ്റ് സിനിമ ഒരുക്കാനുള്ള തയ്യാറെടുപ്പിലാണ് നിര്‍മലും ടീമും. 'തരിയോട്: ദി ലോസ്റ്റ് സിറ്റി' എന്ന് പേരിട്ടിരിക്കുന്ന സിനിമാറ്റിക്ക് റീമേക്കില്‍ ഹോളിവുഡില്‍ നിന്നടക്കമുള്ള പ്രമുഖര്‍ ഭാഗമാകുന്നുണ്ടെന്ന കാര്യം ഇതിനകം തന്നെ വാര്‍ത്തകളില്‍ ഇടം നേടിയിരുന്നു.
നിര്‍മല്‍ സംവിധാനം ചെയ്ത മറ്റൊരു ചിത്രമായ 'വഴിയെ'യുടെ പോസ്റ്റ് പ്രൊഡക്ഷന് ജോലികള്‍ നടന്നുവരികയാണ്. മലയാളത്തിലെ ആദ്യത്തെ ഫൗണ്ട് ഫുട്ടേജ് ചിത്രമായ 'വഴിയെ' ഹോളിവുഡ് സംഗീത സംവിധായകന്‍ ഇവാന്‍ ഇവന്‍സിന്റെ ആദ്യത്തെ ഇന്ത്യന്‍ സിനിമ കൂടിയാണ്.
എക്‌സിക്യൂട്ടീവ് പ്രൊഡ്യൂസര്- മാത്യു എം. തോമസ്, ഫാ. ബിജു മാവറ. ഛായാഗ്രഹണം- മിഥുന്‍ ഇരവില്‍, നിര്‍മല്‍ ബേബി വര്‍ഗീസ്.
അഡിഷണല്‍ ക്യാമറ- ഷോബിന്‍ ഫ്രാന്‍സിസ്, അശ്വിന്‍ ശ്രീനിവാസന്‍, ഷാല്‍വിന്‍ കെ പോള്‍. സംവിധാന സഹായികള്‍- വി. നിഷാദ്, അരുണ്‍ കുമാര്‍ പനയാല്‍, ശരണ്‍ കുമാര്‍ ബാരെ. വിവരണം- പ്രൊഫ. അലിയാര്‍, കലാസംവിധാനം- സനിത എ. ടി, നറേഷന്‍ റെക്കോര്‍ഡിങ് ആന്‍ഡ് ഫൈനല്‍ മിക്‌സിങ്ങ- രാജീവ് വിശ്വംഭരന്‍, ട്രാന്‍സിലേഷന്‍ ആന്‍ഡ് സബ്‌ടൈറ്റില്‍സ്- നന്ദലാല്‍ ആര്‍, സെന്‍സര്‍ സ്‌ക്രിപ്റ്റ്- സി.എസ്. അജിത്ത്.
