എ.എസ്. ദിനേശ്
കൊച്ചി:
മിഷന്‍ പ്രവര്‍ത്തനങ്ങളുടെ ഭാഗമായി ഇരുപത്തിയൊന്നാം വയസ്സില്‍ ഉത്തര്‍പ്രദേശിലെത്തി ഒരു പ്രദേശത്തെ പീഡിത ജനതയ്ക്കായി ജീവിതം ഹോമിച്ച് വാഴ്ത്തപ്പെട്ട സിസ്റ്റര്‍ റാണിമരിയയുടെ ത്യാഗോജ്ജ്വലമായ ജീവിതം പശ്ചാത്തലമാക്കി മലയാളം, ഹിന്ദി, സ്പാനിഷ് ഭാഷകളില്‍ ഷൈസണ്‍ പി ഔസേപ്പ് സംവിധാനം ചെയ്യുന്ന 'ദി ഫേയ്‌സ് ഓഫ് ദി ഫേയ്‌സ്‌ലെസ്സ്' (The face of the faceless) എന്ന ചിത്രത്തിന്റെ ടൈറ്റില്‍ ലോഞ്ച് ചെയ്തു.
എറണാകുളം ഐ എം എ ഹാളില്‍ വെച്ചാണ് ടൈറ്റില്‍ ലോഞ്ച് കര്‍മ്മം നടന്നത്. കര്‍ദ്ദിനാള്‍ ജോര്‍ജ് ആലഞ്ചേരി,ഹൈബി ഈഡന്‍ എം പി,റോജി എ ജോണ്‍ എംഎല്‍എ, യൂജിന്‍, ഫാദര്‍ സ്റ്റാന്‍ലി,ജീത്ത് മത്താറു, രവി കൊട്ടാരക്കര തുടങ്ങിയ പ്രമുഖര്‍ ചടങ്ങില്‍ പങ്കെടുത്ത് സംസാരിച്ചു.
പ്രശസ്ത മലയാള ചലച്ചിത്ര താരം വിന്‍സി അലോഷ്യസ് റാണിമരിയയായി അഭിനയിക്കുന്നു. ജീത്ത് മത്താറു (പഞ്ചാബ്), സോനലി മൊഹന്തി (ഒറീസ്സ), പൂനം (മഹാരാഷ്ട്ര), സ്‌നേഹലത (നാഗ്പൂര്‍), പ്രേംനാഥ് (ഉത്തര്‍പ്രദേശ്), അജീഷ് ജോസ്, ഫാദര്‍ സ്റ്റാന്‍ലി, അഞ്ജലി സത്യനാഥ്, സ്വപ്ന, ദിവ്യ, മനോഹരിയമ്മ തുടങ്ങിയവരാണ് ഈ ചിത്രത്തിലെ പ്രമുഖ താരങ്ങള്‍.
ട്രൈ ലൈറ്റ് ക്രിയേഷന്‍സിന്റെ ബാനറില്‍ സാന്ദ്ര ഡിസൂസ റാണ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം മഹേഷ് ആനി നിര്‍വ്വഹിക്കുന്നു.
തിരക്കഥ, സംഭാഷണം ജയപാല്‍ അനന്തന്‍ എഴുതുന്നു. കൈതപ്രം ദാമോദരന്‍ നമ്പൂതിരിയുടെ വരികള്‍ക്ക് അല്‍ഫോണ്‍സ് ജോസഫ് സംഗീതം പകരുന്നു.
പ്രൊഡക്ഷന് കണ്ട്രോളര്- ഷാഫി ചെമ്മാട്, എക്‌സിക്യൂട്ടീവ് പ്രൊഡ്യൂസര്- രഞ്ജന്‍ എബ്രഹാം, പ്രൊഡക്ഷന് ഡിസൈനര്‍- നിമേഷ് താനൂര്‍, വസ്ത്രാലങ്കാരം-
ശരണ്യ ജീബു, മേക്കപ്പ്- റോണി വെള്ള തൂവല്‍, സ്റ്റില്‍സ്- ഗിരി ശങ്കര്‍, എഡിറ്റിംഗ്- രഞ്ജന്‍ എബ്രഹാം, പബ്ലിസിറ്റി ഡിസൈന്‍- ജയറാം, പി ആര്‍ ഒ- എ എസ് ദിനേശ്.
