സി എന് എ-
കൊച്ചി:
യുവ നടന് അപ്പാനി ശരത്തിനെ കേന്ദ്ര കഥാപാത്രമാക്കി നവാഗതനായ സാബു അന്തുകായി സംവിധാനം ചെയ്യുന്ന 'ദി ക്രിയേറ്റര്' എന്ന ചിത്രം സൈന പ്ലേ ഒ ടിടി യില് റിലീസായി.
സന്തോഷ് കീഴാറ്റൂര്, പിന്റു പാണ്ടു, മേഘ മാത്യു, മീനാക്ഷി, നിമിഷനമ്പ്യാര്, വൈശാഖ് വിജയന്, ഷെഫീഖ് റഹ്മാന് തുടങ്ങിയവരാണ് മറ്റു പ്രമുഖ താരങ്ങള്.
കേരളത്തില് ഒരു ഗ്രാമത്തിലെ പ്രശസ്തയായ പ്രൊഫസര് റോസ്മേരിയെ ഒരാള് പീഡിപ്പിക്കുന്നു. ആ വ്യക്തി ചെയ്യുന്ന കൊലപാതകങ്ങളെക്കുറിച്ച് ആ സ്ത്രീക്ക് മാത്രമേ അറിയൂ.
നാണക്കേടോര്ത്ത് ഇത് പറയാന് ആ സ്ത്രീ മടിക്കുന്നു. ആ നാട്ടിലെ, ഒരു സിനിമ സംവിധാനം ചെയ്യാന് കഴിയാതെ ആത്മഹത്യ ചെയ്യാന് ശ്രമിക്കുന്ന സഹ സംവിധായകന് സാബുവിനെ കൊണ്ട് ആ സ്ത്രീ ഒരു സിനിമ നിര്മ്മിക്കുന്നു. കൊലപാതകിയുടെ കഥ പരോക്ഷമായി റോസ്മേരി പറയുന്നു. സിനിമയുടെ അവസാനത്തില് കൊലയാളി ആരാണെന്നും എന്തുകൊണ്ടാണ് ആ കൊലപാതകങ്ങള്ക്ക് കാരണമെന്നും അറിയുന്നതൊടെ ഉണ്ടാകുന്ന സംഭവ ബഹുലമായ മുഹൂര്ത്തങ്ങളാണ് 'ദി ക്രിയേറ്റീര്' എന്ന ഈ സസ്പെന്സ്, ത്രില്ലര്, മിസ്റ്ററി ചിത്രത്തില് ദൃശ്യവല്ക്കരിക്കുന്നത്.
ഛായാഗ്രഹണം- ജോസഫ്, ഷിന്ജിത്ത് കെ, സംഗീതം- പ്രവിന് സായ്വി, എഡിറ്റര്- സാബ്ദീപ് നടകുമ, പശ്ചാത്തല സംഗീതം- സെജോ ജോണ്.
- എ എസ് ദിനേശ്.
Online PR - CNA.