CNA
കൊച്ചി:
വിദേശരാജ്യങ്ങളില്‍ ചിത്രീകരിക്കുകയും അതുവഴി ആസ്വാദനത്തിന്റെ പുതിയ കാഴ്ച്ചകളും വാണിജ്യത്തിന്റെ വഴികളും തുറക്കുന്ന ഇന്ത്യന്‍ ചലച്ചിത്രങ്ങള്‍ക്കുള്ള IIFTC (ഇന്ത്യന്‍ ഇന്റര്‍നാഷണല്‍ ഫിലിം ടൂറിസം കോണ്‍ക്ലേവ്) പുരസ്‌കാരം നേടി മലയാളചിത്രം 'ദി പ്രൊപോസല്'.
മുംബയില്‍ നടന്ന IIFTC 2023 ചടങ്ങില്‍ വെച്ചായിരുന്നു സിനിമാറ്റിക് എക്‌സലന്‍സ് പുരസ്‌ക്കാരലബ്ധി.
പൂര്‍ണ്ണമായും ഓസ്‌ട്രേലിയയില്‍ ചിത്രീകരിച്ച ആദ്യമലയാള ചിത്രമെന്ന സവിശേഷതയാണ് ചിത്രത്തെ അംഗീകാരത്തിനര്‍ഹമാക്കിയത്. തമിഴില്‍ നിന്നും റോക്കറ്ററിദി നമ്പി എഫക്ട്, തെലുങ്കില്‍ RRR, കന്നട ചിത്രം റെയ്‌മോ, ഗുജറാത്തി ചിത്രം ഹൂണ് തരി ഹീര്‍ എന്നീ ചിത്രങ്ങളാണ് അവാര്‍ഡ് നേടിയ മറ്റ് ചിത്രങ്ങള്‍. 2022ല്‍ സൈനപ്ലേയില്‍ റിലീസായ ചിത്രത്തിന്റെ രചനയും സംവിധാനവും നിര്‍വ്വഹിച്ചിരിക്കുന്നത് ജോ ജോസഫാണ്.
ജോ ജോസഫ്, അനുമോദ് പോള്‍, അമര രാജ, ക്ലെയര്‍ സാറ മാര്‍ട്ടിന്‍, സുഹാസ് പാട്ടത്തില്‍, കാര്‍ത്തിക മേനോന്‍ തോമസ് എന്നിവര്‍ അഭിനയിച്ചിരിക്കുന്നു.
പി ആര്‍ ഒ- അജയ് തുണ്ടത്തില്‍.
Online PR - CinemaNewsAgency.Com
