CNA
കൊച്ചി:
ജിനു ഏബ്രഹാം, ഡോള്‍വിന്‍ കുര്യാക്കോസ് എന്നിവരുടെ പങ്കാളിത്തത്തില്‍ ആരംഭിക്കുന്ന 'തിയ്യേറ്റര്‍ ഓഫ് ഡ്രീംസ്' എന്ന പുതിയ ചലച്ചിത്ര നിര്‍മ്മാണ സ്ഥാപനത്തിന്റെ ഓഫീസ് പ്രശസ്ത ചലച്ചിത്ര താരം ടൊവിനോ തോമസ്സ് ഉത്ഘാടനം ചെയ്തു.
എറണാകുളം പാലാരിവട്ടത്ത് നടന്ന ഉത്ഘാടന ചടങ്ങില്‍ ഷാജി കൈലാസ്, സിബി മലയില്‍, എസ് എന്‍ സ്വാമി, ബി ഉണ്ണികൃഷ്ണന്‍, റാഫി, ബാദുഷ തുടങ്ങിയ പ്രമുഖര്‍ പങ്കെടുത്തു.
പ്രശസ്ത താരങ്ങളായ പൃഥ്വിരാജ്, ആസിഫ് അലി, മഞ്ജു വാര്യര്‍, അന്നാ ബെന്‍ എന്നിവരെ പ്രധാന കഥാപാത്രങ്ങളാക്കി വേണു സംവിധാനം ചെയ്യുന്ന 'കാപ്പ' എന്ന ചിത്രമാണ് തിയ്യേറ്റര്‍ ഓഫ് ഡ്രീംസിന്റെ ആദ്യ ചിത്രം.
മെയ് 20ന് 'കാപ്പ'യുടെ ചിത്രീകരണം ആരംഭിക്കും.
യുവനടന്‍ ടൊവിനോ തോമസ്സിനെ നായകനാക്കി ഡാര്‍വിന്‍ കുര്യാക്കോസ് സംവിധാനം ചെയ്യുന്ന 'അന്വേഷിപ്പിന്‍ കണ്ടെത്തും' എന്ന ചിത്രമാണ് തിയ്യേറ്റര്‍ ഓഫ് ഡ്രീംസ് നിര്‍മ്മിക്കുന്ന രണ്ടാമത്തെ സിനിമ.
ടൊവിനോ തോമസ്സ്, എസ് ഐ അനന്ത് നാരായണന്‍ എന്ന കഥാപാത്രത്തെ അവതരിപ്പിക്കുന്ന ഇന്‍വെസ്റ്റിഗേഷന്‍ ത്രില്ലര്‍ ചിത്രമായ 'അന്വേഷിപ്പിന്‍ കണ്ടെത്തും'
സെപ്റ്റംബറില്‍ ആരംഭിക്കും.
തിരക്കഥ- ജിനു വി എബ്രഹാം, ഛായാഗ്രഹണം- ഗിരീഷ് ഗംഗാധരന്‍, സംഗീതം- സന്തോഷ് നാരായണന്‍, എഡിറ്റര്‍- ഷൈജു ശ്രീധരന്‍, പ്രൊഡക്ഷന് കണ്ട്രോളര്- ബെന്നി കട്ടപ്പന.
പി ആര്‍ ഒ- ശബരി.
Online PR - CinemaNewsAgency.Com
