CNA
കൊച്ചി:
മുരളി ഗോപിയുടെ രചനയില് രതീഷ് അമ്പാട്ട് സംവിധാനം ചെയ്യുന്ന 'തീര്പ്പ്' എന്ന ചിത്രത്തിന്റെ ഫസ്റ്റ് ലുക്ക് പോസ്റ്ററെത്തി.
'കമ്മാരസംഭവം' എന്ന ദിലീപ് കേന്ദ്ര കഥാപാത്രമായെത്തിയ ചിത്രത്തത്തിനു ശേഷം രതീഷ് അമ്പാട്ട് സംവിധാനം ചെയ്യുന്ന ചിത്രമാണ് 'തീര്പ്പ്'.
പൃഥ്വിരാജ്, ഇന്ദ്രജിത്ത്, വിജയ് ബാബു എന്നിവര് പ്രധാനവേഷങ്ങളിലെത്തുന്ന ചിത്രത്തില് 'വിധി തീര്പ്പിലും പക തീര്പ്പിലും ഒരുപോലെ കുടിയേറിയ ഇരുതലയുള്ള ആ ഒറ്റവാക്ക്: തീര്പ്പ്'... ഇതാണ് ചിത്രത്തിന്റെ ടാഗ്ലൈന്.
തോുക്കുമായി മന്തഹസിച്ച്കൊണ്ടിരിക്കുന്ന പൃഥ്വിരാജും പുറകിലായി സിദ്ദീഖിനെയും ഇന്ദ്രജിത്തിനെയും പോസ്റ്ററില് കാണാം.
വിജയ് ബാബു, സൈജു കുറുപ്പ്, ഇഷ തല്വാര്, ഹന്ന റെജി കോശി എന്നിവരാണ് പോസ്റ്ററില് മുഖമുള്ള മറ്റ് താരങ്ങള്.
പൃഥ്വിരാജിന്റെ കഥാപാത്രത്തിന് ചുറ്റും മറ്റ് താരങ്ങളെ ഉള്ക്കൊള്ളിച്ച് രസകരമായ രീതിയിലാണ് പോസ്റ്ററാണ് യെല്ലോടൂത്ത്സ് ഡിസൈന് ചെയ്തിരിക്കുന്നത്.
ലൂസിഫറിനു ശേഷം മുരളി ഗോപി തിരക്കഥ എഴുതുന്ന ചിത്രമെന്ന നിലയിലും ആദ്യമായി മുരളി ഗോപി നിര്മ്മാണ മേഖലയിലേക്ക് ചുവടുവെക്കുന്നു എന്ന പ്രത്യേകതകൂടി 'തീര്പ്പിനുണ്ട്. നിര്മ്മാണ പങ്കാളികളായി രതീഷ് അമ്പാട്ടും വിജയ് ബാബുവും ഒപ്പമുണ്ട്. ഫ്രൈഡേ ഫിലിം ഹൗസിന്റേയും സെല്ലുലോയ്ഡ് മാര്ഗിന്റേയും ബാനറുകളിലാണ് 'തീര്പ്പിന്റെ നിര്മ്മാണം. '#ഹോം' എന്ന സിനിമയ്ക്കു ശേഷം ഫ്രൈഡേ ഫിലിം ഹൗസിന്റെ ബാനറില് റിലീസിനൊരുങ്ങുന്ന ചിത്രം കൂടിയാണിത്.
48 ദിവസം കൊണ്ടാണ് തീര്പ്പിന്റെ ചിത്രീകരണം അണിയറ പ്രവര്ത്തകര് പൂര്ത്തിയാക്കിയത്. തീര്പ്പിന്റെ റിലീസ് തിയതി ഉടന് പ്രഖ്യാപിക്കും.