Editor- MM Kamath
കൊച്ചി:
'ജിബൂട്ടി' എന്ന ചിത്രത്തിന് ശേഷം അമിത് ചക്കാലയ്ക്കല്‍, എസ്.ജെ സിനു കൂട്ടുകെട്ടില്‍ പുറത്തിറങ്ങുന്ന ചിത്രമാണ് 'തേര്'.
'തേരിന്റെ ഫസ്റ്റ്‌ലുക്ക് പോസ്റ്റര്‍ പുറത്തിക്കിയിരിക്കുകയാണ് അണിയറ പ്രവര്‍ത്തകര്‍.
ബ്ലൂഹില്‍ നെയ്ല്‍ കമ്മ്യൂണിക്കേഷന്റെ ബാനറില്‍ ജോബി. പി. സാം നിര്‍മ്മിച്ച്, എസ്.ജെ സിനു സംവിധാനം ചെയ്യുന്ന പുതിയ ചിത്രമാണിത്.
കുടുംബകഥയുടെ പശ്ചാത്തലത്തില്‍ ആക്ഷന്‍ ത്രില്ലറായാണ് ചിത്രം അണിയിച്ചൊരുക്കുന്നത്.
വെറും 32 ദിവസങ്ങള്‍ക്കുള്ളില്‍ ചിത്രീകരണം പൂര്‍ത്തിയാക്കിയ ചിത്രത്തിന്റെ ലൊക്കേഷന്‍ പാലക്കാടും പരിസരപ്രദേശങ്ങളുമായിരുന്നു.
ഗവണ്മെന്റിന്റെ എല്ലാ കോവിഡ് നിയന്ത്രണങ്ങള്‍ പാലിച്ചുകൊണ്ടാണ് 'തേരിന്റെ ചിത്രീകരണം പൂര്‍ത്തീകരിച്ചത്.
ബാബുരാജിനൊപ്പം അസീസ് നെടുമങ്ങാടും പോലീസ് കഥാപാത്രമായി തേരില്‍ എത്തുന്നുണ്ട്.
വിജയരാഘവന്‍, കലാഭവന്‍ ഷാജോണ്‍, സ്മിനു സിജോ, ആര്‍.ജെ നില്‍ജ, സഞ്ജു ശിവറാം, പ്രശാന്ത് അലക്‌സാണ്ടര്‍, ശ്രീജിത്ത് രവി, വീണ നായര്‍, ഷെഫീഖ്, റിയ സൈറ, പ്രമോദ് വെളിയനാട്, സുരേഷ് ബാബു തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മുന്‍പ് മലയാളത്തിലെ പ്രമുഖ താരങ്ങള്‍ പുറത്തുവിട്ട 'തേരിന്റെ ഒഫീഷ്യല്‍ ടൈറ്റില്‍ പോസ്റ്ററിനും 'തേര്, ദ വണ്‍ ഇന്‍ ദ കോര്‍ണര്‍' എന്ന ടാഗ് ലൈനോടു കൂടി പുറത്തിറങ്ങിയ മോഷന്‍ പോസ്റ്ററിനും സോഷ്യല്‍ മീഡിയയിലും മികച്ച പ്രതികരണം ലഭിച്ചിരുന്നു.
ചതുരംഗക്കളവും, അതിലെ തേരും, പൊലീസ് തൊപ്പിയും, വിലങ്ങും, തോക്കും, ഉള്‍പ്പെട്ട പശ്ചാത്തലത്തിലുള്ള പോസ്റ്റര്‍ നിഗൂഢത പടര്‍ത്തുന്നുണ്ടായിരുന്നു. നിയമങ്ങള്‍ക്കും നിയമപാലകര്‍ക്കും എതിരെയുള്ള നായകന്റെ പോരാട്ടമാകും ഈ ചിത്രമെന്ന സൂചന 'തേരിന്റെ ഒഫീഷ്യല്‍ ടൈറ്റില്‍ ടൈറ്റില്‍ പോസ്റ്റര്‍ നല്‍കുന്നുണ്ടായിരുന്നു.
തിരക്കഥ, സംഭാഷണം: ഡിനില്‍ പി കെ, ഛായാഗ്രഹണം: ടി ഡി ശ്രീനിവാസ്, എക്‌സിക്യൂട്ടിവ് പ്രൊഡ്യൂസര്‍: തോമസ് പി മാത്യൂ, എഡിറ്റര്‍: സംജിത് മുഹമ്മദ്, ആര്‍ട്ട്: പ്രശാന്ത് മാധവ്, പ്രൊഡക്ഷന്‍ കണ്‍ട്രോളര്‍: ബിജു കെ തോമസ്, ചീഫ് അസോസിയേറ്റ് ഡയറക്ടര്‍: അനിരുദ്ധ് സന്തോഷ്, സ്റ്റണ്ട്‌സ്: വിക്കി മാസ്റ്റര്‍, ദിനേശ് കാശി, കോസ്റ്റ്യൂം: അരുണ്‍ മനോഹര്‍, മേക്കപ്പ്: ആര്‍ജി വയനാടന്‍, സ്റ്റില്‍സ്: രാംദാസ് മാത്തൂര്‍, ഡിസൈന്‍: മനു ഡാവിഞ്ചി, പി.ആര്‍.ഒ: പ്രതീഷ് ശേഖര്‍.
Online PR - CinemaNewsAgency.Com
