CNA
തിരു:
അനൂപ് മേനോന്‍, കലാഭവന്‍ ഷാജോണ്‍, ബൈജു സന്തോഷ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന പുതിയ ചിത്രമാണ് 'തിമിംഗലവേട്ട',
രാകേഷ് ഗോപന്‍ രചനയും സംവിധാനവും നിര്‍വ്വഹിക്കുന്ന ഈ ചിത്രം വി.എം.ആര്‍. ഫിലിംസിന്റെ ബാനറില്‍ സജിമോന്‍ നിര്‍മ്മിക്കുന്നു.
ഡിസംബര്‍ ഇരുപത്തിയൊന്നിന് തിരുവനന്തപുരത്ത് ഈ ചിത്രത്തിന്റെ ചിത്രീകരണം ആരംഭിക്കുന്നു. തലസ്ഥാന നഗരത്തില്‍ അരങ്ങേറുന്ന രാഷ്ടീയ സംഭവ വികാസങ്ങളെ തികഞ്ഞ സറ്റയര്‍ രൂപത്തില്‍ അവതരിപ്പിക്കുകയാണ് ഈ ചിത്രത്തിലൂടെ.
ഒരു പൊളിറ്റിക്കല്‍ സറ്റയര്‍ മൂവി എന്ന് ഈ ചിത്രത്തെ വിശേഷിപ്പിക്കാം.
രമേഷ് പിഷാരടി, ജഗദീഷ, മണിയന്‍ പിള്ള രാജു, നന്ദു, കോട്ടയം രമേഷ്, പി.പി. കുഞ്ഞികൃഷ്ണന്‍ മാഷ്. ('ന്നാ താന്‍ കേസ് കൊട്' ഫെയിം) രാധികാ നായര്‍ ('അപ്പന്‍' ഫെയിം) എന്നിവരും പ്രധാന അഭിനേതാക്കളാണ്.
ഹരി നാരായണന്റെ വരികള്‍ക്ക് ബിജിപാല്‍ ഈണം പകര്‍ന്നിരിക്കുന്നു. പ്രദീപ് നായര്‍ ഛായാഗ്രഹണവും നൗഫല്‍ അബ്ദുള്ള എഡിറ്റിംഗും നിര്‍വ്വഹിക്കുന്നു.
കലാസംവിധാനം- കണ്ണന്‍ ആതിരപ്പള്ളി, മേക്കപ്പ്- റോണക്‌സ് സേവ്യര്‍, കോസ്റ്റ്യൂം ഡിസൈന്‍- അരുണ്‍ മനോഹര്‍, ചീഫ് അസ്സോസ്സിയേറ്റ് ഡയറക്ടര്‍- ഹരി സുധന്‍, പ്രൊഡക്ഷന് കണ്ട്രോളര്- എസ്. മുരുകന്‍.
- വാഴൂര്‍ ജോസ്.
Online PR - CinemaNewsAgency.Com
