മഞ്ജു ഗോപിനാഥ്-
കൊച്ചി :
സൂപ്പര് ഹിറ്റ് ചിത്രം ശിക്കാരി ശംഭുവിനുശേഷം എയ്ഞ്ചല് മരിയ സിനിമാസിന്റെ ബാനറില് എസ്. കെ. ലോറന്സ് നിര്മിക്കുന്ന പുതിയ ചിത്രം തിരിമാലിയുടെ പൂജ വിജയദശമി ദിനമായ ഒക്ടോബര് 26ന് കൊച്ചിയില് വച്ച് നടന്നു. ടീസര് ലോഞ്ച് തിരക്കഥാകൃത്തു ഉദയ് കൃഷ്ണ നിര്വഹിച്ചു. സ്വിച്ച് ഓണ് സംവിധായകന് ഷാഫിയും, ആദ്യ ക്ലാപ്പ് റാണി ലോറന്സും നിര്വഹിച്ചു. ബിബിന് ജോര്ജും ജോണി ആന്റണിയും ധര്മജനും പ്രധാനവേഷങ്ങളിലെത്തുന്നു. അങ്കമാലി ഡയറീസിലെ ലിച്ചിയായി പ്രേക്ഷക ഇഷ്ടം നേടിയ അന്ന രേഷ്മ രാജനാണ് നായിക.
റാഫി മെക്കാര്ട്ടിന്, ഷാഫി തുടങ്ങിയ പ്രമുഖ സംവിധായകര്ക്കൊപ്പം നിരവധി സിനിമകളില് പ്രവര്ത്തിച്ച രാജീവ് ഷെട്ടി സ്വതന്ത്രസംവിധായകനാകുന്ന സിനിമയുടെ തിരക്കഥ സേവ്യര് അലക്സ്, രാജീവ് ഷെട്ടി എന്നിവര് ചേര്ന്ന് എഴുതുന്നു, കൊച്ചിയും നേപ്പാളുമാണ് പ്രധാന ലൊക്കേഷനുകള്. ഇന്നസെന്റ്, സലിംകുമാര്, ഹരീഷ് കണാരന്, തുടങ്ങിയവര്ക്ക് ഒപ്പം നേപ്പാളി താരങ്ങളും ചിത്രത്തില് അണിനിരക്കുന്നു, സംഗീതം- ബിജിബാല്, പ്രൊജക്റ്റ് ഡിസൈനര്- ബാദുഷ, പ്രൊഡക്ഷന് കണ്ട്രോളര്- ശ്രീകുമാര് ചെന്നിത്തല, പിആര്ഒ- മഞ്ജു ഗോപിനാഥ്, വാഴൂര് ജോസ്.