സി എന് എ-
ഇന്റര്നാഷണല് ഡെസ്ക്:
തായ് ഗുഹയില് അകപ്പെട്ട കുട്ടികളുടെ രക്ഷാപ്രവര്ത്തനത്തെ ആസ്പദമാക്കി ഒരുക്കുന്ന 'തെര്ട്ടീന് ലൈവ്സ്' എന്നു പേരിട്ടിരിക്കുന്ന സിനിമയുടെ ചിത്രീകരണം അടുത്ത വര്ഷം മാര്ച്ചില് ആരംഭിക്കും.
ഓസ്ട്രേലിയയിലെ ക്വീന് സ്ലാന്ഡിലാണ് ചിത്രീകരണം. ഓസ്കര് അവാര്ഡ് ജേതാവും ചലച്ചിത്ര നിര്മാതാവും സംവിധായകനുമായ റോണ് ഹോര്ഡാണ് സിനിമ ഒരുക്കുന്ന സിനിമയുടെ ചെലവ് 96 ലക്ഷം ഡോളര് (ഏകദേശം 71 കോടി രൂപ) ആണ്.
2018ല്
അന്താരാഷ്ട്ര ശ്രദ്ധ നേടിയ ഒരു രക്ഷാ പ്രവര്ത്തനമായിരുന്നു തായ്ലന്ഡിലെ ചിയാങ് റായ് പ്രവിശ്യയിലെ താം ലുവാങ് ഗുഹയില് നടന്നത്. 2018 ജൂണ് 23 നു ഗുഹ സന്ദര്ശിക്കാന് പോയ മുപ എന്നു പേരുള്ള ഫുട്ബോള് ടീമിലെ 12 കുട്ടികളും പരിശീലകനും കനത്ത മഴയെ തുടര്ന്നുണ്ടായ വെള്ളപ്പൊക്കത്തില് ഗുഹക്കുള്ളില് കുടുങ്ങുകയായിരുന്നു.
ദിവസങ്ങള് നീണ്ട പരിശ്രമത്തിനൊടുവില് 2018 ജൂലൈ 2 നു ബ്രിട്ടീഷ് മുങ്ങല് വിദഗ്ദ്ധന്മാര് പതിമൂന്ന് പേരേയും സുരക്ഷിതമായ നിലയില് കണ്ടെത്തുകയും പുറത്തെത്തിക്കുകയും ചെയ്തു.
രക്ഷാപ്രവര്ത്തനത്തിനിടയില് തായ് നാവികസേനയിലെ മറ്റൊരു മുങ്ങല്വിദഗ്ധന് സമന് ഗുനാന് ജീവന് നഷ്ടമാകുകയും ചെയ്തു.