MM Kamath
കൊച്ചി:
സൈജു കുറുപ്പിന്റെ കരിയറിലെ നൂറാം ചിത്രം എന്ന വിശേഷണവുമായി എത്തുന്ന 'ഉപചാരപൂര്‍വ്വം ഗുണ്ട ജയന്‍' റീലിസിനൊരുങ്ങുകയാണ്.
അരുണ്‍ വൈഗ സംവിധാനം ചെയ്തിരിക്കുന്ന ഈ കോമഡി എന്റര്‍ടെയ്‌നര്‍ ചിത്രത്തിന് തിരക്കഥ രചിച്ചിരിക്കുന്നത് രാജേഷ് വര്‍മ്മയാണ്.
'കുറുപ്പ്' എന്ന ബ്ലോക്ക്ബസ്റ്റര്‍ ചിത്രത്തിന്റെ വിജയത്തിന് ശേഷം യുവ താരം ദുല്‍കര്‍ സല്‍മാന്‍ നിര്‍മ്മിച്ച ചിത്രമാണ് ഇത്.
വേഫെയര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനും മൈ ഡ്രീംസ് എന്റര്‍ടെയിന്‍മെന്റിന്റെ ബാനറില്‍ സെബാബ് ആനിക്കാടും ചേര്‍ന്ന് നിര്‍മ്മിച്ച ഈ ചിത്രം ഫെബ്രുവരി ഇരുപത്തിയഞ്ചിനാണ് റിലീസ് ചെയ്യുന്നത്.
ഇപ്പോഴിതാ ഈ ചിത്രത്തിലെ ആദ്യ വീഡിയോ ഗാനം റിലീസ് ചെയ്തിരിക്കുകയാണ്. 'ഗുണ്ട ഗുണ്ട ഗുണ്ട ജയന്‍...' എന്നാരംഭിക്കുന്ന ഈ ഗാനം രചിച്ചിരിക്കുന്നത് അജിത് പി വിനോദന്‍ ആണ്.
ശബരീഷ് വര്‍മ്മ, ജയദാസന്‍ എന്നിവര്‍ ചേര്‍ന്ന് ഈണം പകര്‍ന്നിരിക്കുന്ന ഈ ഗാനം ആലപിച്ചിരിക്കുന്നത് ശബരീഷ് വര്‍മ്മ തന്നെയാണ്.
സൈജു കുറുപ്പിനൊപ്പം മലയാളത്തിലെ ഒരു വന്‍താരനിര തന്നെ ഈ സിനിമയില്‍ അഭിനയിച്ചിട്ടുണ്ട്.
സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരാണ് കഥാപാത്രങ്ങളാകുന്നത്.
കാമറ- എല്‍ദോ ഐസക്, എഡിറ്റ്- കിരണ്‍ ദാസ്. സംഗീതം- ബിജിബാല്‍, ശബരീഷ് വര്‍മ്മ, ജയദാസന്‍, പ്രോജക്ട് ഡിസൈനര്‍- ജയ് കൃഷ്ണന്‍, സൗണ്ട് ഡിസൈന്‍- വിഷ്ണു ഗോവിന്ദ്, ശ്രീശങ്കര്‍. വരികള്‍- ഹരിനാരായണന്‍, കലാസംവിധാനം- അഖില്‍ രാജ് ചിറയില്‍, പ്രൊഡക്ഷന്‍ കണ്‍ട്രോളര്‍- മനോജ് കാരന്തൂര്‍, വസ്ത്രാലങ്കാരം- അരുണ്‍ മനോഹര്‍, മേക്കപ്പ്- ജിതേഷ് പൊയ്യ, ചീഫ് അസോസിയേറ്റ് ഡയറക്ടര്‍- കിരണ്‍ റാഫേല്‍, ബിന്റോ സ്റ്റീഫന്‍, സ്റ്റില്‍സ്- നിദാദ് കെ എന്‍, ഡിസൈന്‍- ഓള്‍ഡ് മോങ്‌സ്.
Online PR - CinemaNewsAgency.Com
