CNA
തിരു:
ഇന്ത്യന്‍ വിഷ്വല്‍ ഇഫക്ട്‌സ് (VFX) രംഗത്തെ പ്രഗത്ഭരുടെ ഗണത്തില്‍ അറിയപ്പെടുന്ന VFX അധിഷ്ഠിതമായ ബ്രഹ്മാണ്ഡ ചിത്രങ്ങളായ 'KGF2', 'Bharamastra Part I', 'Shiva' എന്നീ ചിത്രങ്ങളില്‍ പ്രവര്‍ത്തിച്ച VFX സൂപ്പര്‍വൈസര്‍ സുരേഷ് കൊണ്ടറെഡ്ഡി തിരുവനന്തപുരത്ത്.
2022 ജൂലായ് 14 ന് തിരുവനന്തപുരം ടെക്‌നോപാര്‍ക്ക് കേന്ദ്രമായി പ്രവര്‍ത്തിക്കുന്ന ടൂണ്‍സ് അക്കാഡമിയുടെ ആഭിമുഖ്യത്തില്‍ മാക്ടയുടെയും DFFK യുടെയും സഹകരണത്തോടെ തിരുവനന്തപുരം ഹോട്ടല്‍ പങ്കജില്‍ ഒരു അര്‍ദ്ധ ദിന ശില്‍പശാല സംഘടിപ്പിക്കുന്നു.
വിഷ്വല്‍ ഇഫക്ട്‌സ് (VFX) സാങ്കേതിക വിദ്യയുടെ കാണാപ്പുറം എന്ന വിഷയത്തെഅടിസ്ഥാനപ്പെടുത്തി സുരേഷ് കൊണ്ടറെഡ്ഡി ക്ലാസ്സെടുക്കുന്നു.
പ്രമുഖ നടനും ചലച്ചിത്ര അക്കാദമി വൈസ് ചെയര്‍മാനുമായ പ്രേം കുമാര്‍ പരിപാടി ഉത്ഘാടനം ചെയ്ത് സംസാരിക്കുന്നതാണ്. കൂടാതെ ചലച്ചിത്ര രംഗത്തെ പ്രമുഖ സംവിധായകരും സാങ്കേതിക പ്രവര്‍ത്തകരും പരിപാടിയില്‍ പങ്കെടുത്ത് സംബന്ധിക്കും.
ഇന്ത്യന്‍ ചലച്ചിത്ര ടെലിവഷന്‍ രംഗം വിഷ്വല്‍ ഇഫക്ട്‌സ് സാങ്കേതിക വിദ്യയുടെ അനന്തമായ സാധ്യതകളാണ് തുറന്നിട്ടിരിക്കുന്നത്.
ഇന്ത്യന്‍ വ്യവസായ രംഗത്തെ വരും വര്‍ഷങ്ങളിലെ ഏറ്റവും കൂടുതല്‍ വികസനം തെളിയിക്കുന്ന മേഖലയായ AVGVC മേഖലയില്‍ ഉള്‍പ്പെട്ടതാണ് VFX സാങ്കേതിക വിദ്യ. അതുവഴി വമ്പിച്ച തൊഴില്‍ അവസരങ്ങള്‍ വാഗ്ദാനം ചെയ്യപ്പെടുന്ന മേഖലയാണ് VFX സാങ്കേതിക വിദ്യാ മേഖല.
കൂടുതല്‍ അറിയുന്നതിനും VFX സാങ്കേതിക വിദ്യ തൊട്ടറിയുന്നതിനും 14-ാം തീയ്യതി രാവിലെ 10 മണിമുതല്‍ ഹോട്ടല്‍ പങ്കജില്‍ നടക്കുന്ന ശില്‍പശാലയിലേയ്ക്ക് ഏവരേയും സ്വാഗതം ചെയ്യുന്നതായി സംഘാടകര്‍ അറിയിച്ചു.
കൂടുതല്‍ വിവരങ്ങള്‍ക്കായും മുന്‍കൂറായി സീറ്റുകള്‍ രജിസ്റ്റര്‍ ചെയ്യുവാനുമായി വിളക്കുക 9249494908 / 7907787656.
Online PR - CinemaNewsAgency.Com
