CNA
തിരു:
ഇന്ത്യയിലെ എണ്ണംപറഞ്ഞ അന്താരാഷ്ട്ര ചലച്ചിത്രമേളകളില്‍ ഏറ്റവും പ്രധാനപ്പെട്ട ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് ഷിംലയില്‍ മികച്ച ചിത്രങ്ങള്‍ക്കൊപ്പം മലയാളചിത്രം വള്ളിച്ചെരുപ്പിനും ഒഫിഷ്യല്‍ സെലക്ഷന്‍ .
ലോക നിലവാരമുള്ള ചലച്ചിത്രങ്ങളെ മേളയിലെത്തിച്ച് പ്രദര്‍ശിപ്പിക്കുന്നതുവഴി ചെറുപ്പക്കാരില്‍ പുത്തന്‍ ചലച്ചിത്രാവബോധം വളര്‍ത്തിയെടുക്കാനും അതുവഴി അവരെ സ്വതന്ത്രമായി സിനിമ ചെയ്യാന്‍ പ്രാപ്തരാക്കുകയുമാണ് മേളയുടെ പ്രധാന ഉദ്ദേശ്യലക്ഷ്യം.
ഹിമാചല്‍ പ്രദേശിന്റെ തലസ്ഥാനനഗരമായ ഷിംലയിലെ ചരിത്രപ്രസിദ്ധമായ ഗെയ്റ്റി തീയേറ്ററില്‍ ആഗസ്റ്റ് 25, 26, 27 തീയതികളിലാണ് 9ാമത് മേള അരങ്ങേറുന്നത്.
സംസ്ഥാന ഭാഷ, സാംസ്‌കാരിക വകുപ്പിന്റെയും ഒപ്പം ടൂറിസം, സിവില്‍ ഏവിയേഷന്‍ വകുപ്പിന്റെയും സഹകരണത്തോടെ ഹിമാലയന്‍ വെലോസിറ്റിയാണ് മേള സംഘടിപ്പിക്കുന്നത്.
റീല്‍ എന്ന തമിഴ് ചിത്രത്തിലൂടെ തമിഴകത്ത് പേരെടുത്ത ബിജോയ് കണ്ണൂര്‍ ആണ് വള്ളിച്ചെരുപ്പില്‍ 70 കാരനായ നായക കഥാപാത്രത്തെ അവതരിപ്പിക്കുന്നത്. ബിജോയ് നായകനാകുന്ന ആദ്യ മലയാള ചിത്രമാണിത്. ഒരു മുത്തച്ഛന്റെയും കൊച്ചു മകന്റെയും ആത്മബന്ധത്തിന്റെ ആഴവും പരപ്പുമാണ് ചിത്രത്തിന്റെ ഇതിവൃത്തം. കൊച്ചു മകനാകുന്നത് മാസ്റ്റര്‍ ഫിന്‍ ബിജോയ് ആണ്. കണ്ണൂര്‍ സ്വദേശിനിയും ഏഷ്യാനെറ്റ് പ്‌ളസ്സിലൂടെ പ്രേക്ഷകര്‍ സ്വീകരിക്കുകയും ചെയ്ത ചിന്നുശ്രീ വന്‍സലന്‍ ആണ് ചിത്രത്തിലെ നായിക. കൂടാതെ കൊച്ചുപ്രേമന്‍ , സാജന്‍ സൂര്യ, അനൂപ് ശിവസേവന്‍, ദിവ്യ ശ്രീധര്‍ , എസ് ആര്‍ ശിവരുദ്രന്‍ എന്നിവരും കഥാപാത്രങ്ങളാകുന്നു.
ബാനര്‍ ശ്രീമുരുകാ മൂവി മേക്കേഴ്‌സ് , രചന, സംവിധാനം ശ്രീഭാരതി , നിര്‍മ്മാണം സുരേഷ് സി എന്‍ , ഛായാഗ്രഹണം റിജു ആര്‍ അമ്പാടി, എഡിറ്റിംഗ് ശ്യാം സാംബശിവന്‍, സംഗീതം ജോജോ കെന്‍ (ഗായികയും എം എല്‍ എയുമായ ദലീമയുടെ ഭര്‍ത്താവ്), പി ആര്‍ ഓ അജയ് തുണ്ടത്തില്‍.
Online PR - CinemaNewsAgency.Com
