സി എന്‍ എ-
കൊച്ചി:
ഇന്ദ്രന്‍സ് തികച്ചും വ്യത്യസ്ഥമായ ഒരു കഥാപാത്രത്തെ അവതരിപ്പിക്കുന്ന 'വാമനന്‍' എന്ന ചിത്രത്തിന് കൊച്ചിയില്‍ തുടക്കമായി.
നവംബര്‍ ഇരുപത്തിനാല് ബുധനാഴ്ച്ച കടവന്ത്ര കവലയ്ക്കല്‍ ഭഗവതി ക്ഷേത്രത്തില്‍ നടന്ന ലളിതമായ ചടങ്ങിലാണ് 'വാമനന്‍' എന്ന ചിത്രത്തിന്റെന്റ ആരംഭം കുറിച്ചത്. തദവസരത്തില്‍ സംവിധായകനും നടനുമായ ശ്രീകാന്ത് മുരളി സ്വിച്ചോണ്‍ണ്‍ കര്‍മ്മം നിര്‍വ്വഹിച്ചു.
സീമാ ജി. നായരാണ് ഫസ്റ്റ് ക്ലാപ്പ് നല്‍കിയത്. സോഹന്‍ സീനു ലാല്‍ തിരക്കഥ കൈമാറി. ചലച്ചിത്ര പ്രവര്‍ത്തകര്‍, ബന്ധുമിത്രാദികള്‍, അണിയറ പ്രവര്‍ത്തകര്‍ എന്നിവരുടെ നിറ സാന്നിദ്ധ്യത്തിലാണ് ചടങ്ങു നടന്നത്.
നവാഗതനായ ഏ.ബി.ബി നില്‍ തിരക്കഥ രചിച്ച് സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് മൂവി ഗാങ്ങ് പ്രൊഡക്ഷന്സിന്റെ ബാനറില്‍ അരുണ്‍ ബാബു, കെ.ബി. സമഹ് അലി എന്നിവര്‍ ചേര്‍ന്നാണ്. രഘു വേണുഗോപാല്‍, രാജീവ് വാര്യര്‍ എന്നിവരാണ് എക്‌സിക്കുട്ടീവ് പ്രൊഡ്യൂസേര്സ്.
ഒരു ഹില്ലി ഏരിയയുടെ പശ്ചാത്തലത്തിലൂടെ തികഞ്ഞ സൈക്കോത്രില്ലര്‍ സിനിമയായിരിക്കുമിത്.
ഇന്ദ്രന്‍സിനു പുറമേ ബൈജു സന്തോഷ്, ഹരീഷ് കണാരന്‍, സീമാ ജി. നായര്‍, സീനു സിദ്ധാര്‍ത്ഥ്, എബി അജി എന്നിവരും ഏതാനും പുതുമുഖങ്ങളും ഈ ചിത്രത്തിലണി നിരക്കുന്നുണ്ട്.
സന്തോഷ് വര്‍മ്മയുടേതാണ് ഗാനങ്ങള്‍. സംഗീതം- നിഥിന്‍ ജോര്‍ജ്, ഛായാഗ്രഹണം- അരുണ്‍ ശിവന്‍, എഡിറ്റിംഗ്- ബാബുരത്‌നം, കലാസംവിധാനം- നിധിന്‍ എടപ്പാള്‍, മേക്കപ്പ്- അഖില്‍ ടി. രാജ്, കോസ്റ്റ്യൂം ഡിസൈന്‍- സൂര്യാഖേര്‍, അസ്സോസ്സിയേറ്റ് ഡയറക്ടര്‍- ബിച്ചു, പ്രൊഡക്ഷന് എക്‌സിക്കുട്ടിവ്- പ്രജീഷ് പ്രഭാസന്‍,
പ്രൊഡക്ഷന് കണ്ട്രോളര്- ബിനു മുരളി, ഫോട്ടോ- അനുപള്ളിച്ചാല്‍.
നവംബര്‍ ഇരുപത്തിയെട്ടിന് കുട്ടിക്കാനത്ത് ഈ സിനിമയുടെ ചിത്രീകരണം ആരംഭിക്കും.
- വാഴൂര്‍ ജോസ്.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
