Editor - MM Kamath
കൊച്ചി:
കണ്ണന് താമരക്കുളം സംവിധാനം ചെയ്യുന്ന 'വരാല്' എന്ന സിനിമയെക്കുറിച്ചുള്ള ഹരീഷ് പേരടിയുടെ ഫെയ്സ്ബുക്ക് പോസ്റ്റ് വൈറലാകുന്നു.
'വരാല്' അനൂപ് മേനോന്റെ ശക്തമായ തിരക്കഥയില് കണ്ണന് താമരകുളത്തിന്റെ സൂക്ഷ്മമായ സംവിധാനത്തില് പുതിയ രുചിയുള്ള കഥാപാത്രവുമായി ഞാനും..പറഞ്ഞാല് തീരാത്ത സിനിമയുടെ വിശേഷങ്ങള് അണിയറ പ്രവര്ത്തകര് തന്നെ പുറത്ത് വിടും... ഒന്ന് മാത്രം പറയാം... ഇത് ചില്ലറ കളിയല്ല... ഒരു ഒന്നൊന്നര കളിയാണ്...???
എന്നതായിരുന്നു പോസ്റ്റ്.
പൊളിറ്റിക്കല് ഹണി ട്രാപ്പിന്റെ കഥ ഉദ്വേഗത്തോടെ അവതരിപ്പിക്കുന്ന ചിത്രമാണ് വരാല്. ഒരു അധികാര കേന്ദ്രവും ആ കേന്ദ്രത്തിലെത്താന് ശ്രമിക്കുന്ന മറ്റൊരു കേന്ദ്രത്തേയും മുന്നിര്ത്തിയാണ് വരാലിന്റെ കഥാഖ്യാനം.
പ്രകാശ് രാജും, അനൂപ് മേനോനുമാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്.
പ്രകാശ് രാജിനും അനൂപ് മേനോനുമൊപ്പം സണ്ണി വെയ്ന്, രണ്ജി പണിക്കര്, സായ്കുമാര്, സുരേഷ് കൃഷ്ണ, ശങ്കര് രാമകൃഷ്ണന്, മേഘനാഥന്, ഇര്ഷാദ്, ഹരിഷ് പേരടി, സെന്തില് കൃഷ്ണ, ശിവജി ഗുരുവായൂര്, ഇടവേള ബാബു, ഡ്രാക്കുള സുധീര്, മിഥുന്, കൊല്ലം തുളസി, ദിനേശ് പ്രഭാകര്, മന്രാജ്, വിജയ് നെല്ലീസ്, ഹണി റോസ്, മാധുരി, ഗൗരി നന്ദ എന്നിവരും പ്രധാന വേഷങ്ങളിലെത്തുന്നു.
അനൂപ് മേനോന്റേതാണ് തിരക്കഥ. സംഗീതം- നിനോയ് വര്ഗീസ്, പശ്ചാത്തല സംഗീതം- ജേക്സ് ബിജോയ്, ഛായാഗ്രഹണം- രവിചന്ദ്രന്, എഡിറ്റിംഗ്- ആദം അയൂബ്,
കലാസംവിധാനം- സഹസ് ബാല, മേക്കപ്പ്- സജി കൊരട്ടി, കോസ്റ്റ്യും ഡിസൈന്- അരുണ് മനോഹര്, ചീഫ് അസോസ്സിയേറ്റ് ഡയറക്ടര്- കെ.ജെ.വിനയന്, പ്രൊജക്റ്റ് കോഓര്ഡിനേറ്റര്- അജിത് പെരുമ്പള്ളി, പ്രൊജക്റ്റ് ഡിസൈനര്- ബാദ്ഷ, എക്സിക്യൂട്ടീവ് പ്രൊഡ്യൂസര്- കെ.ആര്. പ്രകാശ്, പ്രൊഡക്ഷന് കണ്ട്രോളേഴ്സ്- അമൃതാ മോഹന്, ഷെറിന് സ്റ്റാന്ലി, പ്രൊഡക്ഷന് എക്സിക്യൂട്ടീവ്- അഭിലാഷ് അര്ജുനന്, പി.ആര്.ഒ- സുനിത സുനില്, പി.ശിവപ്രസാദ്.
കൊച്ചി, തിരുവനന്തപുരം പീരുമേട്, എന്നിവിടങ്ങളിലാണ് സിനിമയുടെ ചീത്രീകരണം.
Online PR - CinemaNewsAgency.Com