സി എന് എ-
കൊച്ചി:
കോവിഡാനന്തരം സിനിമാമേഖല ഉണരുമ്പോള്, ആരവങ്ങളും ആര്പ്പുവിളികളുമായി തീയേറ്ററുകളും പഴയ നിലയിലേക്ക് എത്തുകയാണ്. പോസ്റ്ററുകളിലൂടെ മുന്പ് തന്നെ പ്രേക്ഷക ശ്രദ്ധ നേടിയ സിജു വില്സണ് ചിത്രമായ വരയനും റിലീസിന് തയ്യാറെടുക്കുകയാണ്. നര്മ്മത്തിനും ആക്ഷനും പ്രാധാന്യം നല്കിക്കൊണ്ടുള്ള ഈ കുടുംബചിത്രത്തില് എബിച്ചനൊപ്പം കൂട്ടുകൂടാന് കേപ്പ എന്ന കൊച്ചുമിടുക്കനുമുണ്ട്. സിജു വില്സന്റെ എബിച്ചന് എന്ന അച്ഛന് കഥാപാത്രത്തോടൊപ്പം കേപ്പ എന്ന കഥാപാത്രമായഭിനയിക്കുന്നത് മാസ്റ്റര് ഡാവിഞ്ചിയാണ്.
സത്യം സിനിമാസിന്റെ ബാനറില് എ.ജി. പ്രേമചന്ദ്രന് നിര്മ്മിക്കുന്ന ഈ ചിത്രം നവാഗതനായ ജിജോ ജോസഫാണ് സംവിധാനം ചെയ്യുന്നത്. ലിയോണ ലിഷോയ്, മണിയന്പിള്ള രാജു, ജോയ് മാത്യു, വിജയരാഘവന്, ബിന്ദു പണിക്കര്, ജയശങ്കര്, ജൂഡ് ആന്റണി ജോസഫ്, അരിസ്റ്റോ സുരേഷ്, ബൈജു എഴുപുന്ന, അംബിക മോഹന്, രാജേഷ് അമ്പലപ്പുഴ, ശ്രീലക്ഷ്മി, ഹരിപ്രശാന്ത്, സുന്ദര് പാണ്ഡ്യന് തുടങ്ങിയവരും വേഷമിടുന്നു.
ഫാദര് ഡാനി കപ്പൂച്ചിന് തിരക്കഥയെഴുതുന്ന ചിത്രത്തിന്റെ ഛായാഗ്രഹണം- രജീഷ് രാമന്, ചിത്രസംയോജനം- ജോണ്കുട്ടി, സംഗീതം- പ്രകാശ് അലക്സ്, ഗാനരചന- ബി.കെ. ഹരിനാരായണന്, പ്രോജക്റ്റ് ഡിസൈന്- ജോജി ജോസഫ്, പ്രൊഡക്ഷന് കണ്ട്രോളര്- ബിനു മുരളി, ആര്ട്ട്- നാഥന് മണ്ണൂര്, വസ്ത്രാലങ്കാരം- സമീറ സനീഷ്, സംഘട്ടനം- ആല്വിന് അലക്സ്, ചീഫ് അസ്സോസിയേറ്റ് ഡയറക്ടര്- കൃഷ്ണ കുമാര്, മേക്കപ്പ്- സിനൂപ് രാജ്, സൗണ്ട് ഡിസൈന്- വിഘ്നേഷ്, കിഷന് & രജീഷ്, സൗണ്ട് മിക്സ്- വിപിന് നായര്, കൊറിയോഗ്രഫി- സി പ്രസന്ന സുജിത്ത്, പി.ആര്.ഒ- എ.എസ് ദിനേശ്. ചിത്രം മെയ് 28 ന് കേരളമെമ്പാടുമുള്ള തിയെറ്ററുകളില് സത്യം സിനിമാസ് റിലീസ് ചെയ്യും.
Online PR - CNA.