സി എന്‍ എ-
കൊച്ചി:
'വര്‍ത്താനം' സിനിമയ്ക്ക് കേന്ദ്ര സെന്‍സര്‍ ബോര്‍ഡ് റിവൈസിംഗ് കമ്മിറ്റിയുടെ പ്രവര്‍ത്തന അനുമതി നല്‍കി.
സ്വാതന്ത്ര സമരസേനാനി മുഹമ്മദ് അബ്ദുല്‍ റഹ്മാന്‍ സാഹിബിനെ കുറിച്ചുള്ള ഗവേഷണം നടത്താനായി ഡല്‍ഹിയിലേക്ക് പോയ മലബാറില്‍ നിന്നുള്ള പെണ്‍കുട്ടി.
സമകാലീന ഇന്ത്യന്‍ സാമൂഹ്യസാഹചര്യത്തില്‍ നേരിടേണ്ടിവരുന്ന പ്രയാസങ്ങളും പ്രതിസന്ധികളും പങ്കുവയ്ക്കുന്ന വര്‍ത്തമാനം എന്ന സിനിമയെ ദേശവിരുദ്ധ സിനിമയാക്കി ചാപ്പകുത്തി പ്രദര്‍ശനാനുമതി നിഷേധിക്കാനുള്ള സെന്‍സര്‍ബോര്‍ഡ് മെമ്പറുടെ ശ്രമത്തെ അതിജീവിച്ച സിനിമയില്‍ സ്‌നേഹിക്കുന്നവരുടെയും മതേതര മനസ്സുകളുടെ വിജയമാണ്.
തിരക്കഥാകൃത്ത് ആര്യാടന്‍ ഷൗക്കത്ത് ആയതുകൊണ്ട് സിനിമയ്ക്ക് അനുമതി നിഷേധിച്ച ഒന്ന് വെളിപ്പെടുത്തിയ ബിജെപി നേതാവ് അഡ്വക്കറ്റ്. വി. സുദീപ് കുമാറിനെ സെന്‍സര്‍ ബോര്‍ഡ് അംഗത്വത്തില്‍ നിന്നും പുറത്താക്കണം.
ഒരു സീന്‍ പോലും നീക്കം ചെയ്യാതെയാണ് റിവൈസിംഗ്
കമ്മിറ്റി സിനിമയ്ക്ക് പ്രദര്‍ശനാനുമതി നല്‍കിയത് വര്‍ഗീയതയും മതാന്ധതയും ബാധിച്ചവര്‍ക്ക് പകരം സിനിമയെക്കുറിച്ച് വിലയിരുത്താന്‍ കഴിവുള്ളവരെയാണ് സെന്‍സര്‍ബോര്‍ഡ്ല്‍ നിയമിക്കേണ്ടത്...
താങ്കള്‍ക്ക് ഇഷ്ടമല്ലാത്ത കലാസൃഷ്ടി ഇവിടെ വേണ്ട എന്ന കാഴ്ചപ്പാട് സാംസ്‌കാരിക ഫാസിസമാണ്. ഇന്ത്യയിലെ ജനാധിപത്യ പോരാട്ടത്തെക്കുറിച്ച് പറഞ്ഞാല്‍ എങ്ങനെയാണ് അത് ദേശവിരുദ്ധം ആവുക. മലയാള സിനിമാരംഗത്ത് കേട്ടുകേള്‍വിയില്ലാത്ത തരത്തിലാണ് സെന്‍സര്‍ ബോര്‍ഡ് സിനിമയ്ക്ക് പ്രദര്‍ശനാനുമതി നിഷേധിക്കുന്നത്.
സിനിമയെടുക്കുന്നവരുടെ കുലവും ഗോത്രവും തെളിയിക്കുന്ന സര്‍ട്ടിഫിക്കറ്റ് കൂടി ഹാജരാക്കേണ്ടിവരുമോ എന്ന് സെന്‍സര്‍ബോര്‍ഡ് വ്യക്തമാക്കണം.
ബെന്‍സി പ്രൊഡക്ഷന്‍ ബാനറില്‍ ബെന്‍സി നാസറും ആര്യാടന്‍ ഷൗക്കത്തും ചേര്‍ന്നാണ് സിനിമ നിര്‍മ്മിക്കുന്നത്. ദേശീയ അവാര്‍ഡ് ജേതാക്കള്‍ ഒരുമിക്കുന്ന സിനിമ എന്ന പ്രത്യേകതകൂടിയുണ്ട് വര്‍ത്തമാനത്തിന്.
മികച്ച സംവിധായകനുള്ള ദേശീയ അവാര്‍ഡ് നേടിയ സിദ്ധാര്‍ഥ് ശിവയാണ് സംവിധായകന്‍.
'പാഠം ഒന്ന് ഒരു വിലാപം', 'ദൈവനാമത്തില്‍', 'വിലാപങ്ങള്‍ക്കപ്പുറം' എന്നീ മൂന്ന് സിനിമകളിലൂടെ മികച്ച കഥയും സിനിമയ്ക്കുള്ള സംസ്ഥാന ദേശീയ അവാര്‍ഡുകള്‍ നേടിയ ആര്യാടന്‍ ഷൗക്കത്ത് ആണ് കഥയും തിരക്കഥയും എഴുതിയത്.
മികച്ച നടിക്കുള്ള സംസ്ഥാനദേശീയ അവാര്‍ഡ് നേടിയ പാര്‍വതി തിരുവോത്ത് ആണ് നായിക.
PRO- പി. ശിവപ്രസാദ്.
