Editor- MM Kamath
കൊച്ചി:
പെണ്‍കുട്ടികള്‍ അബലകളാണന്ന് മുദ്രകുത്തപ്പെടരുത് എന്ന സന്ദേശം പകരുന്ന ഒരു ഹൃസ്വചിത്രമാണ് 'വാസുകി'.
ഈ സമൂഹത്തില്‍ കൊച്ചു പെണ്‍കുട്ടികള്‍ അനുഭവിക്കുന്ന കൊടും പീഢനങ്ങള്‍ക്കെതിരെ വാളെടുത്ത് സ്വയം ചെറുത്തു നില്‍പ്പ് ആയുധമാക്കിയ വാസുകി എന്ന പെണ്‍കുട്ടിയുടെ കഥയാണ് 'വാസുകി' എന്ന ഈ ഹൃസ്വചിത്രത്തിലൂടെ അവതരിപ്പിക്കുന്നത്.
നെജു കല്യാണിയാണ് ഈ ചിത്രം തിരക്കഥ രചിച്ച് സംവിധാനംചെയ്യുന്നത്.
സിനിമയുടെ ദൈര്‍ഘ്യത്തില്‍ മാത്രമേ കുറവുള്ളൂ. കാമ്പുള്ള ഒരു പ്രമേയം അതിന്റെ എല്ലാ പ്രാധാന്യത്തോടെയുമാണവതരിപ്പിക്കുന്നതെന്ന് സംവിധായകനായ നെജു കല്യാണി പറഞ്ഞു.
മനീഷ ബിനിക എന്ന കുട്ടിയാണ് ഈ ചിത്രത്തില്‍ വാസുകി എന്ന കഥാപാത്രത്തെ അവതരിപ്പിക്കുന്നത്.
മഞ്ജുഷ മധു, അജയന്‍ ചങ്ങനാശ്ശേരി, സുനില്‍ ആതി എന്നിവരും പ്രധാന വേഷങ്ങളിലെത്തുന്നു.
നെജു കല്യാണി യുടെ വരികള്‍ക്ക് അദ്ദേഹം തന്നെ ഈണമിട്ട ഇതിലെ ഗാനങ്ങള്‍ ആലപിച്ചിരിക്കുക്കുന്നത് നിതിഷ് പരപ്പനങ്ങാടിയാണ്. പശ്ചാത്തല സംഗീതം- രാജീവ് റാം. അഭിജിത്ത് അഭിയാണ് ഛായാഗ്രാഹകന്‍.
എഡിറ്റിംഗ്- ലിന്‍സണ്‍ റാഫേല്‍, യു.വി. മൂവീസിന്റെ ബാനറില്‍ നിര്‍മ്മിക്കുന്ന ഈ ചിത്രം ഒക്ടോബര്‍ എട്ടിന് മില്ലനിയം യൂട്യൂബ് ചാനലിലൂടെ പ്രദര്‍ശനത്തിനെത്തും.
പി.ആര്‍.ഒ.- വാഴൂര്‍ ജോസ്.
Online PR - CinemaNewsAgency.Com
