CNA
കൊച്ചി:
വിപിന്‍ ദാസും കൂട്ടരും പുതുമുഖങ്ങള്‍ക്ക് ഏറെ പ്രാധാന്യം നല്‍കി ഒരുക്കുന്ന 'വാഴ ബയോപിക് ഓഫ് എ ബില്ല്യണ്‍ ബോയ്‌സ്' ആഗസ്റ്റ് രണ്ടിന് പ്രദര്‍ശനത്തിനെത്തുന്നു.
'ഗൗതമന്റെ രഥം' എന്ന ചിത്രത്തിനു ശേഷം ആനന്ദ് മേനോന്‍ സംവിധാനം ചെയ്യുന്ന ഈ ചിത്രത്തില്‍ സോഷ്യല്‍ മീഡിയയിലെ ഹിറ്റ് താരങ്ങളായ സിജു സണ്ണി, സാഫ് ബോയ്, ജോയ്‌മോന്‍ ജ്യോതിര്‍, ഹാഷിര്‍, അലന്‍, വിനായക്, അജിന്‍ ജോയ് തുടങ്ങിയവരാണ് കേന്ദ്ര കഥാപാത്രങ്ങളായി എത്തുന്നത്.
'ജയ ജയ ജയ ജയ ഹേ', 'ഗുരുവായൂരമ്പല നടയില്‍' എന്നീ ബ്ലോക്ക്ബസ്റ്റര്‍ ചിത്രങ്ങളിലൂടെ ഏറെ ശ്രദ്ധേയനായ സംവിധായകന്‍ വിപിന്‍ ദാസ് മറ്റൊരു യുവ സംവിധായകനു വേണ്ടി തിരക്കഥ എഴുതുന്നു. ആനന്ദ് മേനോന്‍ സംവിധാനം ചെയ്യുന്ന 'വാഴ ബയോപിക് ഓഫ് എ ബില്ല്യണ്‍ ബോയ്‌സ്' എന്ന ചിത്രത്തിനു വേണ്ടിയാണ് വിപിന്‍ ദാസ് രചന നിര്‍വ്വഹിച്ചിരിക്കുന്നത്.
WBTS പ്രൊഡക്ഷന്സ്, ഇമാജിന്‍ സിനിമാസ്, ഐക്കണ്‍ സ്റ്റുഡിയോസ്, സിഗ്‌നചര്‍ സ്റ്റുഡിയോസ് എന്നീ ബാനറുകളില്‍ വിപിന്‍ ദാസ്, ഹാരിസ് ദേശം, പി ബി അനീഷ്, ആദര്‍ശ് നാരായണ്‍ എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ ഛായാഗ്രഹണം അരവിന്ദ് പുതുശ്ശേരി നിര്‍വ്വഹിക്കുന്നു.
ചീഫ് അസ്സോസിയേറ്റ്- ശ്രീലാല്‍, എഡിറ്റര്‍- കണ്ണന്‍ മോഹന്‍, പ്രൊഡക്ഷന് കണ്ട്രോളര്- റിന്നി ദിവാകരന്‍, കല- ബാബു പിള്ള, മേക്കപ്പ്- സുധി സുരേന്ദ്രന്‍, കോസ്റ്റ്യൂംസ്- അശ്വതി ജയകുമാര്‍, സ്റ്റില്‍സ്- അമല്‍ ജെയിംസ്, ടൈറ്റില്‍ ഡിസൈന്‍- സാര്‍ക്കാസനം, സൗണ്ട് ഡിസൈന്‍- അരുണ്‍ എസ് മണി, സൗണ്ട് മിക്‌സിങ്- വിഷ്ണു സുജാതന്‍, പ്രൊഡക്ഷന് എക്‌സിക്യൂട്ടീവ്- അനീഷ് നന്തിപുലം, സംഘടനം- കലൈ കിങ്‌സണ്‍, ഓണ്‍ലൈന്‍ മാര്‍ക്കറ്റിംഗ്- ടെന്‍ ജി മീഡിയ, പി ആര്‍ ഒ-
എ എസ് ദിനേശ്.
Online PR - CinemaNewsAgency.Com
