Editor - MM Kamath
കാസര്കോഡ്:
പ്രവാസികളായ ആറ് വനിതകള് ചേര്ന്ന് നിര്മ്മിക്കുന്ന 'വെള്ളപൂമ്പാറ്റകള്' എന്ന സിനിമ നവംബര് ആദ്യവാരം ചിത്രീകരണം ആരംഭിക്കും.
ഗോപി കുറ്റിക്കോല് ആണ് 'വെള്ളപൂമ്പാറ്റകള്' എന്ന സിനിമയുടെ കഥയും തിരക്കഥയും സംഭാഷണവും സംവിധാനവും നിര്വ്വഹിക്കുന്നത്.
സംവിധായകന് തന്നെയാണ് ഈ വാര്ത്ത തന്റെ ഫേസ്ബുക്കിലൂടെ പുറത്തുവിട്ടത്.
റോസ് പെറ്റല്സിന്റെ ബാനറില് മിനി ജോണി, വിചിത്ര ബൈജു, സെലിന് സിബി, സുചിത്ര നാരായണന്, സുജിന സുബിന്, ദിവ്യ മാര്ട്ടിന് എന്നിവരാണ് 'വെള്ളപൂമ്പാറ്റകളുടെ നിര്മ്മാതാക്കള്.
ഒരു പക്ഷെ പ്രവാസലോകത്തെ വനിതകള് ഒത്തുചേര്ന്ന് നിര്മ്മിക്കുന്ന ആദ്യ മലയാള സിനിമയായിരിക്കുമിത്.
സന്തോഷ് കീഴാറ്റൂര്, പ്രവീണ, ഷാനവാസ് തുടങ്ങിയ മലയാള സിനിമയിലെ പ്രമുഖര് അഭിനയിക്കുന്നു.
ചിത്രത്തിന്റെ ഓഡിയോ ലോന്ഞ്ചും ഫസ്റ്റ്ലുക്ക് പോസ്റ്റര് റിലീസും സെപ്തംബര് 24ന് ഖത്തറില് വെച്ച് നടക്കും.
ഇപ്പോള് നടക്കുന്ന 'നബീക്ക' എന്ന ചിത്രത്തിന്റെ പോസ്റ്റ്പ്രൊഡക്ഷന് വര്ക്കുകള് കഴിഞ്ഞ് നവംബര് ആദ്യവാരം 'വെള്ളപൂമ്പാറ്റകളുടെ ചിത്രീകരണം ആരംഭിക്കും എന്ന് സംവിധായകന് സിനിമാ ന്യൂസ് ഏജന്സിയോട് പറഞ്ഞു.
സംഗീത സംവിധാനം- മിഥുന് ജയരാജ്, പ്രൊഡക്ഷന് ഡിസൈനര്- ഫാത്തിമ ഷഫീര്, വാര്ത്ത പ്രചരണം- എ എസ് ദിനേശ്.
Online PR - CinemaNewsAgency.Com