CNA
കൊച്ചി:
'ഇതൊരു യഥാര്ത്ഥ സംഭവ കഥയേ അല്ല, ഭാവനയാണ്' എന്ന മുഖവുരയോടെ 'വിക്റ്റിം' എന്ന സിനിമക്ക് തുടക്കമാവുകയാണ്.
'ജീവിച്ചിരിക്കുന്നവരോ മരിച്ചവരോ ആയ ആരെങ്കിലുമായോ ഏതെങ്കിലും സംഭവങ്ങളുമായോ ഈ സിനിമയുടെ കഥക്കോ കഥാപാത്രങ്ങള്ക്കോ എന്തെങ്കിലും സാദൃശ്യം തോന്നുന്നുവെങ്കില് അത് തികച്ചും യാദൃശ്ചികം മാത്രമാണ്' എന്ന Disclaimer മുന്നറിയിപ്പും 'വിക്റ്റിം' വ്യക്തമായി നല്കുന്നുണ്ട്.
സിനിമാ രംഗത്തെയും ലോകത്താകമാനമുള്ള മലയാളികളെയും ഒട്ടാകെ നടുക്കിയ ഞെട്ടിക്കുന്ന പീഢന ഗൂഢാലോചനാ സംഭവ വികാസങ്ങളുടെ യാഥാര്ത്ഥ്യങ്ങള് കണ്ടെത്തുന്നതിനായി 'മറ്റൊരു' ഇന്റലിജന്സ് വിങ്ങിലെ ഡിറ്റക്ടീവ് ഓഫീസേഴ്സായ ക്യാപ്റ്റന് അജയഘോഷും യാമിനി വര്മ്മയും സംഘവും ഡല്ഹിയില് നിന്നും എത്തുന്നു.
സ്റ്റേറ്റ് പോലീസിന്റെ ഇന്വസ്റ്റിഗേഷന് സമാന്തരമായി, പോലീസ് ഡിപ്പാര്ട്ട്മെന്റിലുള്ളവരുടെ 'സപ്പോര്ട്ടും എതിര്പ്പും' ഒരേ സമയം ഏറ്റെടുത്ത്, ഇവര് നടത്തുന്ന അന്വേഷണത്തില് വെല്ലുവിളികള് വളരെ ഏറെയായിരുന്നു.
കണ്ടെത്തേണ്ടത് ഇരുള് മൂടിക്കിടക്കുന്ന യഥാര്ത്ഥ സത്യങ്ങളാണ്.
(1) എന്താണ് ശരിക്കും നടന്ന ഗൂഡാലോചന?
(2) യഥാര്ത്ഥത്തില് നടി പീഢനത്തിന് ഇരയായിട്ടുണ്ടോ?
(3) പീഢനം നടന്നിട്ടുണ്ടെങ്കില് അതിന് പിന്നില് സംഭവിച്ച കാര്യങ്ങള്?
(4) പീഢനത്തിന് പിന്നില് ഗൂഢാലോചന നടന്നിട്ടുണ്ടോ?
(5) പീഢന ഗൂഢാലോചന നടന്നിട്ടുണ്ടെങ്കില് അതിന് പിന്നില് ആരൊക്കെ?
(6) കോടികളുടെ കൊട്ടേഷന് ഇടപാടുകള് ഈ സംഭവത്തിലുണ്ടോ?
(7) പിന്നണിയില് ഉണ്ടെന്ന് പറയപ്പെടുന്ന മാഡം, സംവിധായകന്, നിര്മ്മാതാവ്, VIP, രാഷ്ട്രീയ നേതാവ് തുങ്ങിയവര് യഥാര്ത്ഥത്തില് ഉണ്ടോ? ഉണ്ടെങ്കില് അവര് ആരൊക്കെയാണ്?
(8) ശരിക്കും ആരാണ് ഈ ദുരന്തത്തിലെ യഥാര്ത്ഥ 'ഇര' അഥവാ 'ഇരകള്?
(9) പുന:രന്വേഷണത്തിന് പിന്നിലും ഗൂഢാലോചന നടന്നിട്ടുണ്ടോ?
(10) രാഷ്ട്രീയക്കാര്ക്കും പോലീസിനും ഈ കേസില് പ്രത്യേക ലക്ഷ്യങ്ങള് ഉണ്ടോ? ഉണ്ടെങ്കില് അവ എന്തെല്ലാം?
ഇത്രയും കാര്യങ്ങള് കണ്ടെത്തി, മലയാള സിനിമാ പ്രേക്ഷകരുടെ മനസ്സില് അടിഞ്ഞൂറിക്കിടക്കുന്ന എല്ലാ ദുരൂഹതകള്ക്കും ഉത്തരം കണ്ടെത്തുകയാണ്
'വിക്റ്റിം' എന്ന പുതിയ സിനിമയിലൂടെ.
എല്ലാ ദുരൂഹ സമസ്യകള്ക്കും സത്യസന്ധമായ ഉത്തരങ്ങള് കണ്ടെത്തുന്ന 'വിക്റ്റിം' എറണാംകുളം, തിരുവനന്തപുരം, മൂന്നാര്, ഗോവ, ബംഗ്ളൂര്, ദുബായ്, അമേരിക്ക എന്നിവിടങ്ങളിലായി ചിത്രീകരിക്കുന്നു.
മലയാളത്തിലും തമിഴിലുമായി സത്യനാഥ് സംവിധാനം ചെയ്യുന്ന 'വിക്റ്റിം' ഏപ്രില് മാസം ഷൂട്ടിങ്ങ് ആരംഭിക്കും.
ന്യൂക്ലിയര് മീഡിയ കമ്പനി നിര്മ്മിക്കുന്ന 'വിക്റ്റിം' എന്ന സിനിമയുടെ മറ്റ് വാര്ത്താ വിശേഷങ്ങള് ഉടന് പ്രതീക്ഷിക്കാം.
- എ എസ് ദിനേശ്.
Online PR - CinemaNewsAgency.Com