അഞ്ജു അഷറഫ്-
കൊച്ചി:
സംസ്കൃത ഭാഷയില് ഒരുക്കിയ 'നമോ', കാടിന്റെ ഭാഷയും ജീവിതവും പകര്ത്തിയ 'മ്' എന്നീ ചിത്രങ്ങള്ക്ക് ശേഷം വിജീഷ് മണി സംവിധാനം ചെയ്യുന്ന ഭാഷയില്ലാത്ത ചിത്രത്തിന്റെ ചിത്രീകരണം മാര്ച്ചില് ആരംഭിക്കും.
ഈ സിനിമയുടെ ഏറ്റവും വലിയ പ്രത്യേകത ഇതില് അഭിനയിക്കുന്ന നടീനടന്മാരും സംസാരശേഷി ഇല്ലാത്തവരാണ്. ഭാഷയില്ലാതെ സംസാരിക്കുന്നവരുടെ ജീവിത യാത്രയാണ് സിനിമയുടെ പ്രമേയമെന്ന് സംവിധായകന് വിജീഷ് മണി സിനിമ ന്യൂസ് ഏജന്സിയോട് പറഞ്ഞു.
അഭിനേതാക്കള്ക്ക് വേണ്ടിയുള്ള തിരച്ചിലും ഓഡിഷനും ചെന്നൈയില് തുടങ്ങിക്കഴിഞ്ഞു. സംസാരശേഷിയില്ലാത്ത ഒറ്റപ്പെട്ട കഥാപാത്രങ്ങളെ പലപ്പോഴായി പല സിനിമകളില് കണ്ടിട്ടുണ്ടെങ്കിലും ഒരു സിനിമയിലെ എല്ലാ കഥാപാത്രങ്ങളും ആംഗ്യ ഭാഷയില് സംസാരിക്കുന്ന ചിത്രം പുതിയൊരു ചരിത്രമായിരിക്കും.
അഭിനേതാക്കള് ഒഴികെ സിനിമയില് പ്രവര്ത്തിക്കുന്ന ടെക്നീഷ്യന്മാര് എല്ലാവരും സംസാര പ്രിയരാണെന്നുള്ളതാണ് മറ്റൊരു സവിശേഷത. ഇംഗ്ലീഷ് സബ്ടൈറ്റിലോടു കൂടിയാണ് സിനിമ പ്രദര്ശനത്തിനെത്തുകയെന്നും പ്രശസ്തരായ 10 സംഗീതസംവിധായകര് സിനിമയ്ക്കുവേണ്ടി സംഗീതമൊരുക്കുമെന്നും സംവിധായകന് വിജീഷ് മണി പറയുന്നു.
വിജീഷ് മണി സംവിധാനം ചെയ്ത 'നമോ' ഇന്ത്യന് പനോരമയിലേക്ക് സെലക്ട് ചെയ്ത ചിത്രമാണ്. 'മ്... ഓസ്ക്കാറിന് മത്സരിക്കുന്ന സിനിമയാണ്.