Editor- MM Kamath
കൊച്ചി:
കോളിവുഡില് 2017ല് പുറത്തിറങ്ങിയ ചിത്രങ്ങളില് വന് വിജയം നേടിയ സൂപ്പര് ഹിറ്റ് തമിഴ് ചിത്രം 'വിക്രം വേദ'യുടെ ഹിന്ദി റീമേക്കിലെ 'വേദ'യുടെ ഫസ്റ്റ് ലുക്ക് പുറത്തിറങ്ങി.
ഹൃതിക് റോഷന്റെ പിറന്നാള് ദിനത്തോട് അനുബന്ധിച്ചാണ് ചിത്രം പുറത്ത് വിട്ടത്.
ഹൃതിക് റോഷനാണ് വേദയായി ചിത്രത്തിലെത്തുന്നത്.
ഒരു ആള്ക്കൂട്ടത്തിന്റെ പശ്ചാത്തലത്തില് സണ് ഗ്ലാസ് വെച്ച് ചോരയും വിയര്പ്പൊലിപ്പിച്ച് നില്ക്കുന്നതാണ് വേദയുടെ ഫസ്റ്റ് ലുക്ക്.
ചിത്രത്തില് അധോലോക നായകനായ വേദയുടെ കഥാപാത്രത്തെയാണ് ഹൃത്വിക് അവതരിപ്പിക്കുന്നതെങ്കില് പോലീസ് കഥാപാത്രമായ വിക്രമായി എത്തുന്നത് സെയ്ഫ് അലിഖാനാണ്.
തമിഴ് ചിത്രമൊരുക്കിയ ഗായത്രിപുഷ്കര് ജോഡിയാണ് ഹിന്ദി പതിപ്പും സംവിധാനം ചെയ്യുന്നത്.
രാധികാ ആപ്തെ, രോഹിത് ഷറഫ്, യോഗിത ബിഹാനി എന്നിവരാണ് ചിത്രത്തിലെ മറ്റു താരങ്ങള്.
ടി സീരീസ് ഫിലിംസും ഫ്രൈഡെ ഫിലിം വര്ക്സും വൈ നോട്ട് സ്റ്റുഡിയോസും എ.പി. ഇന്റര്നാഷണലും സംമുക്തമായാണ് ഈ ചിത്രം നിര്മ്മിക്കുന്നത്.
Online PR - CinemaNewsAgency.Com