CNA
ചെന്നൈ:
'കൊമ്പന്‍' എന്ന ഗംഭീര ഹിറ്റിന് ശേഷം കാര്‍ത്തിയെ നായകനാക്കി സംവിധായകന്‍ മുത്തയ്യ സംവിധാനം ചെയ്യുന്ന 'വിരുമാന്‍' എന്ന ആക്ഷന്‍ എന്റര്‍ടെയ്‌നര്‍ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പൊങ്കല്‍ ദിനത്തില്‍ റിലീസായി.
റിലീസ് ചെയ് 'വിരുമാന്റെ ഫസ്റ്റ് ലുക്ക് പോസ്റ്ററില്‍ കാര്‍ത്തി മടിയില്‍ കുന്തവുമായി ഗഹനമായി ചിന്തിച്ചിരിക്കുന്നതായാണ് ഉള്ളത്.
പല കാരണങ്ങളാല്‍ ചിത്രം വലിയ താല്‍പ്പര്യം ജനിപ്പിച്ചിട്ടുണ്ട്. മുന്‍നിര സംവിധായകന്‍ ശങ്കറിന്റെ മകള്‍ അദിതി ശങ്കര്‍, ഈ ചിത്രത്തിലൂടെയാണ് നായികയായി സിനിമാലോകത്ത് അരങ്ങേറ്റം കുറിക്കുന്നത്.
ചിത്രത്തില്‍ സൂരി, പ്രകാശ് രാജ്, രാജ് കിരണ്‍ എന്നിവരും പ്രധാന കഥാപാത്രങ്ങളായി എത്തുന്നുണ്ട്.
കാര്‍ത്തിക്കൊപ്പമുള്ള സംവിധായകന്‍ മുത്തയ്യയുടെ മുന്‍ ചിത്രമായ 'കൊമ്പന്‍' ഗംഭീര ഹിറ്റായിരുന്നു, അത് 'വിരുമാനിലും സംഭവിക്കും എന്നാണ് ആരാധകരുടെ പ്രതീക്ഷ.
ഛായാഗ്രഹണം- സെല്‍വകുമാര്‍, സംഗീതം- യുവന്‍ ശങ്കര്‍ രാജ.
2D എന്റര്‍ടെയ്ന്‍മെന്റിന്റെ ബാനറില്‍ കാര്‍ത്തിയുടെ സഹോദരനും നടനും നിര്‍മ്മാതാവുമായ സൂര്യയും അദ്ദേഹത്തിന്റെ സൂര്യയുടെ ഭാര്യയും അഭിനേത്രിയും നിര്‍മ്മാതാവുമായ ജ്യോതികയും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
കഴിഞ്ഞ വര്‍ഷം ഡിസംബറിലാണ് തേനിയിലും പരിസരങ്ങളിലുമായി വിപുലമായ രീതിയില്‍ ഈ സിനിമയുടെ ചിത്രീകരണം പൂര്‍ത്തിയാക്കിയത്.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
