സി എന് എ-
തിരു:
വീക്കെന്റ് അടിച്ച് പൊളിക്കാനായി ബാംഗ്ലൂരില് നിന്ന് പുറപ്പെടുന്ന യുവതി യുവാക്കളുടെ കഥ പറയുകയാണ് 'വീ' എന്ന തമിഴ് ചിത്രം. ട്രൂ സോള് പിക്ചേഴ്സിന്റെ ബാനറില് രൂപേഷ് കുമാര് നിര്മ്മിക്കുന്ന ഈ ചിത്രം തമിഴിലെ പ്രശസ്ത സംവിധായകന് ഡാവിഞ്ചി ശരവണന് രചന, സംവിധാനം നിര്വ്വഹിക്കുന്നു. തമിഴ് നാട്ടില് 160 ഓളം കേന്ദ്രങ്ങളില് റിലീസ് ചെയ്ത് മികച്ച പ്രദര്ശന വിജയം നേടിയ 'വീ' എന്ന തമിഴ് ചിത്രം കേരളത്തില് ഉടന് പ്രദര്ശനത്തിനെത്തുന്നു.
വീക്കെന്റ് അടിച്ച് പൊളിക്കുന്നതിനായി 5 ബോയ്സും, 5 ഗേള്സും അടങ്ങുന്ന ഒരു സംഘം ബാംഗ്ലൂര് നിന്നും യാത്ര പുറപ്പെടുന്നു. പ്രണയവും തമാശകളും ഒക്കെ ആയി യാത്ര തുടരുന്നതിനിടയില് അതിലൊരാള് പുതിയതായി വന്ന ഒരു 'ആപ്പി'നെ കുറിച്ച് പറയുന്നു.
ജനന തീയതി നല്കിയാല് മരണ തീയതി അറിയാന് കഴിയും എന്നതായിരുന്നു ആ ആപ്പിന്റെ പ്രത്യേകത. ഇത് സത്യമാണോ എന്നറിയാന് അവര് മരിച്ചു പോയ ചിലരുടെ ജനന തീയതി നല്കി പരിശോധിക്കുന്നു. ആപ്പിന്റെ പ്രവര്ത്തനത്തില് കൗതുകം തോന്നിയ അവര് കൂടെയുള്ള പത്ത് പേരുടെയും ജനന തീയതി നല്കിയപ്പോള്, വന്ന അവരുടെ മരണ തീയതി, അവര് യാത്ര ചെയ്യുന്ന അതേ ദിവസത്തെ തന്നെ തീയതി ആയിരുന്നു. എല്ലാവരിലും ഒരു ഞെട്ടല് പടര്ന്നെങ്കിലും, അവര് കാടിന് ഉള്ളിലുള്ള ഒരു റിസോര്ട്ടില് എത്തപെടുന്നു. തുടര്ന്ന്, പകലും രാത്രിയുമായി ഉദ്വേഗജനകവും ഭയപ്പെടുത്തുന്നതും ആയ അവസ്ഥകളിലൂടെ മുന്നോട്ട് പോകേണ്ടി വരുന്ന ആ സംഘത്തിന്, തുടര്ന്ന് നേരിടേണ്ടി വരുന്ന പ്രശ്നങ്ങള് ഭീകരമായിരുന്നു. 'വീ' എന്ന തമിഴ് സിനിമ ഈ വ്യത്യസ്തമായ കഥ അവതരിപ്പിക്കുകയാണ്. സുന്ദരമായ മൂന്ന് ഗാനങ്ങളും, ഫൈറ്റും, ചെയിസും ഒക്കെ ആയി, ഒരു കമേര്ഷ്യല് തമിഴ് സിനിമക്ക് വേണ്ട എല്ലാ ചേരുവകളും ചിത്രത്തില് ഉല്പ്പെടുത്തിയിട്ടുണ്ട്. പ്രേക്ഷകരെ മുള് മുനയില് നിര്ത്തുന്ന ഒരു മിസ്റ്ററി സസ്പെന്സ് ത്രില്ലര് ആണ് 'വീ'.
ധാരപുരം, കൊച്ചി, അട്ടപ്പാടി എന്നീ ലൊക്കേഷനുകളിലായി സംവിധായകന് ഡാവിഞ്ചി ശരവണനും, ഛായാഗ്രഹകന് അനില്. കെ. ചാമിയും അടങ്ങുന്ന സംഘം സാഹസികമായും സാങ്കേതിക തികവോടെയും ആണ് 'വീ' ചിത്രീകരിച്ചിരിക്കുന്നത്.
പ്രമേയത്തിലെ പുതുമ കണ്ടാണ് ചിത്രം നിര്മ്മിക്കാന് തയ്യാറായതെന്ന് ട്രൂ സോള് പിക്ചേഴ് സിന്റെ ഉടമ രൂപേഷ് കുമാര് പറയുന്നു. എയ്റോനോട്ടിക്കല് എഞ്ചിനീയര് ആയ രൂപേഷ് കുമാര് 'വീ' എന്ന ചിത്രത്തിന് ശേഷം, വ്യത്യസ്തമായ ചിത്രങ്ങള് നിര്മ്മിക്കാനുള്ള ശ്രമങ്ങളിലാണ്.
പാലക്കാട്, കൊല്ലങ്കോട് സ്വദേശിയായ രൂപേഷ്, നല്ല ചിത്രങ്ങളുടെ നിര്മ്മാണത്തിന് വേണ്ടി നല്ലൊരു ടീമിനെയും വാര്ത്തെടുത്തിരിക്കുന്നു. രൂപേഷ് കുമാറിന്റെ, ട്രൂസോള് പിക്ചേഴ്സ് തന്നെയാണ് 'വീ' തമിഴ്നാട്ടില് റിലീസ് ചെയ്തത്.
നിരവധി തമിഴ്, തെലുങ്ക് ചിത്രങ്ങളില് അസോസിയേറ്റ് ആയി പ്രവര്ത്തിച്ച ഡാവിഞ്ചി ശരവണന് ആണ് 'വീ' യുടെ രചന, സംവിധാനം നിര്വഹിച്ചിരിക്കുന്നത്.
സംഗീതം- ഇളങ്കോ കലൈവാണന്, എഡിറ്റിംഗ്- V. T. ശ്രീജിത്ത്, മാര്ക്കറ്റിംഗ് ഡിസൈനര്- M. R. A.രാജ്, വിതരണം- ട്രൂ സോള് പിക്ച്ചേഴ്സ്.
രാഘവ്, ലതിയ, സബിത ആനന്ദ്, RNR മനോഹര്, റിഷി, അശ്വനി, നിമ, സത്യദാസ്, ഫിജിയ, റിനീഷ്, ദിവ്യന്, ദേവസൂര്യ തുടങ്ങിയവര് പ്രധാന വേഷങ്ങളില് എത്തുന്നു.
പി.ആര്.ഒ- അയ്മനം സാജന്, വാഴൂര് ജോസ്.