CNA
കൊച്ചി:
സിനിമ പ്രേക്ഷകര്ക്ക് എന്നും ഓര്ത്തിരിക്കാന് ഒരുപിടി ഹിറ്റ് സിനിമകള് സമ്മാനിച്ച പ്രൊഡക്ഷന് കമ്പനിയാണ് 'വീക്കെന്ഡ് ബ്ലോക്ക്ബസ്റ്റേഴ്സ്'.
'ബാംഗ്ലൂര് ഡേയ്സ്', 'കാട് പൂക്കുന്ന നേരം', 'മുന്തിരി വള്ളികള് തളിര്ക്കുമ്പോള്', 'പടയോട്ടം', 'മിന്നല് മുരളി' എന്നീ സൂപ്പര് ഹിറ്റ് ചിത്രങ്ങള്ക്ക് ശേഷം തങ്ങളുടെ അടുത്ത ചിത്രത്തിന്റെ വിശേഷങ്ങള് സോഷ്യല് മീഡിയയിലൂടെ പങ്ക് വെച്ചിരിക്കുകയാണ് നിര്മ്മാതാവായ സോഫിയ പോള്.
'കെ.ജി.എഫ്', 'വിക്രം', 'ബീസ്റ്റ്' തുടങ്ങിയ ഹിറ്റ് ചിത്രങ്ങളുടെ ആക്ഷന് ഡയറക്ടര്മാരായ 'അന്ബറിവ്' എന്നിവരോടൊപ്പമുള്ള ചിത്രം പങ്ക് വെച്ചാണ് തങ്ങളുടെ അടുത്ത ചിത്രത്തിന്റെ വിശേഷം നിര്മ്മാതാവ് സോഫിയ പോള് പങ്കുവെച്ചത്.
'ആവേശം പകരുന്ന മറ്റൊരു വര്ക്ക് ഉടന് വരുന്നു.' എന്ന് പോസ്റ്റിനൊപ്പം നിര്മ്മാതാവ് സോഫിയ പോള് കുറിച്ചു. വീക്കെന്ഡ് ബ്ലോക്ക്ബസ്റ്റേഴ്സിന്റെ അടുത്ത പ്രൊജക്റ്റ് ആക്ഷന് പ്രാധാന്യമുള്ള ഒന്നാണെന്ന് ഈ പോസ്റ്റില് നിന്ന് വ്യക്തമാക്കാം.
ഈ വാര്ത്ത സിനിമ പ്രേക്ഷകര്ക്കിടയില് വലിയ ആവേശമാണ് സൃഷ്ടിച്ചിരിക്കുന്നത്.
Online PR - CinemaNewsAgency.Com