എ.എസ്. ദിനേശ്
കൊച്ചി:
സൂരജ് സുന്ദര്‍, കൃപ ശേഖര്‍ എന്നിവരെ പ്രധാന കഥാപാത്രങ്ങളാക്കി നവാഗതനായ മുബീന്‍ റൗഫ് സംവിധാനം ചെയ്യുന്ന 'വെല്‍ക്കം ടു പാണ്ടിമല' എന്ന ചിത്രത്തിന്റെ ലിറിക്കല്‍ വീഡിയോ ഗാനം സൈന മ്യൂസിക്കിലൂടെ റിലീസായി.
രശ്മി സുശീല്‍ എഴുതിയ വരികള്‍ക്ക് ചാള്‍സ് സൈമണ്‍ സംഗീതം പകര്‍ന്ന് ജിമ്മി വര്‍ഗീസ്, പ്രശാന്ത് നായര്‍, റോബിന്‍സണ്‍ മാത്യു, അനൂപ് നാരായണന്‍ എന്നിവര്‍ ആലപിച്ച 'അന്തിമാനം നീളേ... കാര്‍മുകിലു പടര്‍ന്നേ...' എന്നാരംഭിക്കുന്ന ഗാനമാണ് റിലീസായത്.
ഹരിചന്ദന ക്രിയേഷന്‍സിന്റെ ബാനറില്‍ ഹരികുമാര്‍ പെരിയ നിര്‍മ്മിക്കുന്ന ഈ ചിത്രത്തില്‍ ഉല്ലാസ് പന്തളം ഒരു പ്രധാന കഥാപാത്രത്തെ അവതരിപ്പിക്കുന്നു.
കൂടാതെ മലയാളത്തിലെ പ്രശസ്തരായ താരങ്ങള്‍ക്കൊപ്പം പുതുമുഖങ്ങളും അണിനിരക്കുന്നു.
ഏറെ നര്‍മ്മ മുഹൂര്‍ത്തങ്ങളും സസ്‌പെന്‍സും നിറഞ്ഞ ചിത്രത്തിന്റെ ഛായാഗ്രഹണം അരുണ്‍ രാജ് നിര്‍വ്വഹിക്കുന്നു.
മിര്‍ഷാദ് കൈപ്പമംഗലം കഥ തിരക്കഥ സംഭാഷണമെഴുതുന്നു.
മിര്‍ഷാദ് കൈപ്പമംഗലം, രശ്മി സുശീല്‍ എന്നിവരുടെ വരികള്‍ക്ക് ചാള്‍സ് സൈമണ്‍ സംഗീതം പകരുന്നു.
എഡിറ്റിങ്- അന്‍വര്‍ അലി, ചമയം- ഷിജുമോന്‍ ചെറിയൂര്‍, വസ്ത്രാലങ്കാരം- ദേവകുമാര്‍, സ്റ്റില്‍സ്- നവനീത് സുരേന്ദ്രന്‍, ഡിസൈന്‍- അര്‍ജ്ജുന്‍ ജിബി, ചീഫ് അസ്സോസിയേറ്റ് ഡയറക്ടര്‍- അരുണ്‍ കുമാസി, അസോസിയേറ്റ് ഡയറക്ടര്‍- ഗോകുല്‍ ഗോപാല്‍, റിഷി സുരേഷ്, ക്രിയേറ്റീവ് ഡയറക്ടര്‍- മിര്‍ഷാദ് കൈപ്പമംഗലം, ചീഫ് അസോസിയേറ്റ് ക്യാമറമാന്‍- സുഭാഷ് അമ്പലപ്പുഴ, പ്രൊഡക്ഷന് മാനേജര്‍- മണികണ്ഠന്‍ പെരിയ, പ്രൊഡക്ഷന് എക്‌സിക്യൂട്ടീവ്- ബിജു ചെറുകര, സിദ്ദീഖ് അഹമ്മദ്.
കാസര്‍കോട് പെരിയ പരിസര പ്രദേശങ്ങളിലായി ഷൂട്ടിംഗ് പൂര്‍ത്തിയാക്കിയ 'വെല്‍കം ടും പാണ്ടിമല' ഉടന്‍ പ്രദര്‍ശനത്തിനെത്തും.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
