സി എന് എ-
കൊച്ചി:
കഴിഞ്ഞ പത്തുമാസമായി അടഞ്ഞുകിടക്കുന്ന കേരളത്തിലെ സിനിമാ തിയേറ്ററുകള് തുറന്നു പ്രവര്ത്തിക്കുന്നതിന് ആശ്വാസകരമായ തീരുമാനങ്ങള് കൈകൊണ്ട മുഖ്യമന്ത്രി പിണറായി വിജയന് ചലച്ചിത്ര മേഖലയില് നിന്ന് അഭിനന്ദന പ്രവാഹം.
മലയാള സിനിമയ്ക്ക് ഊര്ജ്ജം പകരുന്ന ഇളവുകള് പ്രഖ്യാപിച്ച കേരള മുഖ്യമന്ത്രി സഖാവ് പിണറായി വിജയന് സ്നേഹാദരങ്ങള് അറിയിച്ചുകൊണ്ട് ഫേസ്ബുക്ക് പേജില് ആദ്യമെത്തിയത് നടന് മോഹന്ലാലാണ്. മമ്മുട്ടി, മോഹന്ലാല് പിന്നാലെ നടന്മാരെ ദിലീപ്, പൃഥ്വിരാജ്, ദുല്ഖര്, നിവിന് പോളി, ടൊവീനോ തോമസ്, ആസിഫ് അലി, ഉണ്ണീ മുകുന്ദന്, മഞ്ജു വാര്യര്, റിമാ കല്ലിങ്കല്,
സംവിധായകന് ബി.ഉണ്ണികൃഷ്ണന്,നിര്മാതാവ് ആന്റോജോസഫ് തുടങ്ങി നിരവധി പ്രമുഖര് അഭിനന്ദനം അറിയിച്ചു സോഷ്യല് മീഡിയയില് കുറിപ്പിട്ടു.
* 2021 ജനുവരി മുതല് മാര്ച്ച് വരെയുള്ള സിനിമാ തിയറ്ററുകളുടെ വിനോദ നികുതി ഒഴിവാക്കും.
* തിയറ്ററുകള് അടഞ്ഞുകിടന്ന പത്തുമാസത്തെ വൈദ്യുതി ഫിക്സഡ് ചാര്ജ്ജ് 50 ശതമാനമാക്കി കുറയ്ക്കും. ബാക്കി ഗഡുക്കളായി അടയ്ക്കാന് അനുവദിക്കും.
* 2020 മാര്ച്ച് 31നുള്ളില് തിയറ്ററുകള് തദ്ദേശസ്ഥാപനങ്ങളില് ഒടുക്കേണ്ട വസ്തുനികുതി മാസഗഡുക്കളായി അടക്കാം.
* പ്രൊഫഷണല് നികുതിയുടെ കാര്യത്തില് തീരുമാനമെടുക്കാന് സംസ്ഥാന സര്ക്കാരിന് സാധിക്കില്ല. തദ്ദേശസ്വയംഭരണം, ഇലക്ട്രിക്കല് ഇന്സ്പെക്ടറേറ്റ്, ഫിലിംസ് ഡിവിഷന്, ബില്ഡിംഗ് ഫിറ്റ്നസ്, ആരോഗ്യം, ഫയര്ഫോഴ്സ് എന്നിവയുമായി ബന്ധപ്പെട്ട വിവിധ ലൈസന്സുകളുടെ കാലാവധി മാര്ച്ച് 31 വരെ ദീര്ഘിപ്പിക്കും.
* രാവിലെ 9 മണി മുതല് രാത്രി 9 മണിവരെ യായിരിക്കും തിയറ്ററുകളുടെ പ്രവര്ത്തനസമയം.
അതേസമയം മുഖ്യമന്ത്രിയുമായുള്ള ചര്ച്ചക്ക് ശേഷം തിയേറ്ററുകള് എന്ന് തുറക്കാനാകുമെന്ന കാര്യത്തില് എറണാകുളത്തു ഇന്ന് വൈകുന്നേരം കേരള ഫിലിം ചേംബറിന്റെ നേതൃത്വത്തില് ചേരുന്ന സിനിമാ സംഘടനകളുടെ യോഗം തീരുമാനമെടുക്കും.