CNA
കൊച്ചി:
പൊതു ഇടങ്ങളെക്കാള്‍ വ്യക്തികള്‍ കൂടുതല്‍ പരിഹസിക്കപ്പെടുന്നത് കുടുംബത്തിനുള്ളിലാണെന്ന സാഹചര്യത്തെ ആസ്പദമാക്കി അനുപ്രിയ രാജ് തിരക്കഥയും സംവിധാനവും നിര്‍വഹിക്കുന്ന ഹ്രസ്വ ചിത്രമായ 'സീറോ ഡ്രാമ' സൈന മൂവീസില്‍ റിലീസായി.
പ്രശസ്ത സംവിധായകന്‍ ജിയോ ബേബി പ്രധാന കഥാപാത്രത്തെ അവതരിപ്പിക്കുന്ന ഈ ചിത്രത്തില്‍ മനു എസ് പിള്ള, ഗായത്രി മനു പിള്ള, പുതുമുഖങ്ങളായ റീബ, റിക്‌സണ്‍ തുടങ്ങിയവരും അഭിനയിക്കുന്നു.
കുടുംബ വ്യവസ്ഥയിലെ കണ്ടീഷനിംഗിന് വിരുദ്ധമായി ചിന്തിക്കുകയും പ്രവര്‍ത്തിക്കുകയും ചെയ്യുന്ന പുതിയ തലമുറക്കാരുടെ ആശങ്കകളും കണ്‍ഫ്യുഷന്‍സുമാണ് ഈ ചിത്രത്തില്‍ ദൃശ്യവല്‍ക്കരിക്കുന്നത്.
'കുടുംബത്തിനുള്ളിലെ പരിഹാസവും തലമുറകള്‍ തമ്മിലുള്ള തര്‍ക്കവും ഉള്‍ചേര്‍ന്നു പോകുന്നതിലെ പ്രശ്‌നങ്ങളുമാണ് സിനിമയില്‍ അവതരിപ്പിക്കുന്നത്' സംവിധായിക അനുപ്രിയ രാജ് പറഞ്ഞു.
ഛായഗ്രഹണം- ഹരിശങ്കര്‍ കെ ഡി, എഡിറ്റര്‍- ഹരിഗോവിന്ദ്, സംഗീതം- റോബി എബ്രഹാം, അസ്സോസിയേറ്റ് ഡയറക്ടര്‍- അനന്തകൃഷ്ണന്‍, അസിസ്റ്റന്റ് ഡയറക്ടര്‍- ജോഷുവ, ഗ്രാഫിക് ഡിസൈന്‍-ആദര്‍ശ്, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
