CNA
കൊച്ചി:
അജു വര്‍ഗീസ്, ജോണി ആന്റണി, അനന്യ, മഞ്ജു പിള്ള എന്നിവരെ പ്രധാന കഥാപാത്രങ്ങളാക്കി 'ഒരു സെക്കന്റ് ക്ലാസ് യാത്ര' എന്ന ചിത്രത്തിനു ശേഷം
റെജീസ് ആന്റണി സംവിധാനം ചെയ്യുന്ന 'സ്വര്‍ഗം' എന്ന സിനിമയുടെ പൂജ കര്‍മ്മം എറണാകുളം പാലാരിവട്ടം ലിറ്റില്‍ ഫ്‌ളവര്‍ ഓഡിറ്റോറിയത്തില്‍ വെച്ച് നടന്നു.
മുഖ്യാതിഥികളായ തലശ്ശേരി ബിഷപ്പ് അഭിവന്ദ്യ ജോസഫ് പാംബ്‌ളാനി തിരുമേനി, മാണി സി കാപ്പന്‍ എം എല്‍ എ എന്നിവര്‍ ഭദ്രദീപം തെളിയിച്ച് ചടങ്ങിനു തുടക്കം കുറിച്ചു. തുടര്‍ന്ന് ഇരുവരും ചേര്‍ന്ന് 'സ്വര്‍ഗം' എന്ന് ചിത്രത്തിന്റെ ടൈറ്റില്‍ ലോഞ്ച് നിര്‍വ്വഹിച്ചു. ചലച്ചിത്ര രംഗത്തെ പ്രമുഖര്‍ ചടങ്ങില്‍ സന്നിഹിതരായിരുന്നു.
വിനീത് തട്ടില്‍, അഭിരാം രാധാകൃഷ്ണന്‍, സജിന്‍ ചെറുകയില്‍, ഉണ്ണിരാജാ, രഞ്ജിത്ത് കങ്കോല്‍, കുടശ്ശനാട് കനകം തുടങ്ങിയവരാണ് മറ്റു താരങ്ങള്‍.
പുതുമുഖങ്ങളായ സൂര്യാ, മഞ്ചാടി ജോബി, ശ്രീറാം, ദേവാജ്ഞന എന്നിവരും ഈ ചിത്രത്തില്‍ അഭിനയിക്കുന്നു.
സി എന്‍ ഗ്ലോബല്‍ മൂവീസിന്റെ ബാനറില്‍ ലിസ്സി കെ. ഫെര്‍ണാണ്ടസ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം എസ് ശരവണന്‍ നിര്‍വ്വഹിക്കുന്നു.
സന്തോഷ് വര്‍മ്മ, എങ്ങണ്ടിയൂര്‍ ചന്ദ്രശേഖരന്‍, ബേബി ജോണ്‍ കലയന്താനി എന്നിവരുടെ വരികള്‍ക്ക് മോഹന്‍ സിത്താര സംഗീതം പകരുന്നു.
റെജീസ് ആന്റണി, റോസ് ആന്റണി എന്നിവര്‍ ചേര്‍ന്ന് തിരക്കഥ സംഭാഷണമെഴുതുന്നു.
എഡിറ്റിംഗ്- ഡോണ്‍ മാക്‌സ്, കഥ- ലിസ്സി കെ.ഫെര്‍ണാണ്ടസ്, ജിനി ജോണ്‍, കലാ സംവിധാനം- അപ്പുണ്ണി സാജന്‍, മേക്കപ്പ്- പാണ്ഡ്യന്‍, കോസ്റ്റ്യൂം ഡിസൈന്‍- റോസ് ആന്റണി, അസ്സോസ്റ്റിയേറ്റ് ഡയറക്ടര്‍- റെജിലേഷ്, ആന്റോസ് മാണി, പ്രൊഡക്ഷന്‍ എക്‌സിക്കുട്ടീവ്- ബാബുരാജ് മനിശ്ശേരി, പ്രൊഡക്ഷന്‍ കണ്‍ട്രോളര്‍- തോബിയാസ്, സ്റ്റില്‍സ്- ജിജേഷ് വാടി, പോസ്റ്റര്‍ ഡിസൈന്‍- അനന്തു.
ഈരാറ്റുപേട്ട, പാലാ എന്നിവിടങ്ങളിലായി 'സ്വര്‍ഗ'ത്തിന്റെ ചിത്രീകരണം പൂര്‍ത്തിയാകും.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
